Хятадын төмөр замынхан 2008 оны 1-р сарын 18-ны өдрөөс эхлэн цагаан сарын зорчигч тээврийн ажлыг эхлүүлснээс хойш, Хятадын авто зам, тэнгис далайн тээвэр болон иргэний агаарын тээврийнхэн ч 1-р сарын 23-ны өдрөөс цагаан сарын зорчигч тээврийн ажлаа эхлүүлсэн байна.

      Цагаан сар нь Хятадын уламжлалт сар шинийн баяр болохоор, сар шинийн баяр тохиох бүр, олон газар суралцаж, ажиллаж байгаа хүмүүс гэр нутагтаа харьж сар шинийн баярыг гэр бүл төрөл төрөгсөдтэйгээ тэмдэглэдэг заншилтай юм. Иймээс жил бүр энэ үед Хятад даяар зорчигч тээврийн хэмжээ эрс нэмэгддэг байна. 40 хоног үргэлжлэх энэ жилийн цагаан сарын зорчигч тэврийн хугацаанд 23 тэрбум 700 сая хүн зорчих төсөөлөл гарч байна. \Номин орчуулж, Буян хянав\