Сар шинэ сайхан үргэлжлэж байна, долоо хоногийн урт амралт дуусч, хүмүүс ажлын яаруу орчиндоо орсон боловч сар шинийн уур амьсгалаасаа нэг л их салаагүй, ажлын зав чөлөөгөөрөө уулзаж золгон, хамтдаа наргиж хөөрч явцгаана.

      Харин хөдөө орон нутгаар сар шинийн баярыг бүр ч өврөмөц онцлогтой сайхан тэмдэглэж байна гэсэн, эрт дээдээс аваад талын монголчууд маань морь, тэмээгээ унаад төрөл төрөгсөд, айл саахалтраа хүрч, харилцан шинийн золголт хийдэг сайхан заншилтай, өнөө ч энэхүү сайхан заншил уламжлагдсаар байна. Тэгэхэд өөрчлөлт шинчлэлт, амьдарлын түвшин дээшлэхийн хирээр талын малчид маань морь тэмээгээсээ мотоцикл, машин бариад шинийн золголт хийдэг боллоо, өнөө болоход шинэ эрний техник технолийн хэрэгсэл болох гар утсаар харилцан сар шинийн мэндчилгээ хүргэж яаралдна, энэ нь талын монголчууд маань цаг эрний урсгалыг даган шинийг хүлээн авах чадвахитай болсныг харуулж байна.

       Хөдөө орон нутгаар өвгөд бууралчуудаас хүүхэд ач нар нь хүртэл гар утсаар харилцан шинийн мэндчилгээ хүргэх болсон нь энэ орны хөдөөгийн малчдын хамгийн моод явдал болжээ. Өвөр монголын Отог хошууны малчин Цэцэн ээж "манай малчид уулаасаа уулзаж учран шинийн мэнд хүргэдэг байсан, одоо энэ гар утас гэгч сайхан юм байна, уулзаж учирч чадахгүй үед утсаар яричхана гэдэг чинь их дөхөм юм аа , хүү маань өнгөрсөн жил надад энэ гар утсыг авч өгсөн юм, шинийн нэгнээс хойш би чинь утас тосоод яаруу, хүүхдүүд маань айлчлаж ирэхээс өмнө шинийн мэнд хүргэж байна. 70 гарсан би чинь утас тосоод яаруу хүн болчихолоо" гэж баяртай ярина.

      Эдийн засаг хөгжсөнөөр өнөө хөдөөгийн малчдын 80 хувиас дээших нь бүр гар утастай болжээ. Сар шинийн үеэр "ээж ээ, та сайн шинлэж байна уу ? бие тань энх тунха биз?" гэхчлэн урьдаар утсаар бууралчуудтайгаа шинийн мэнд хүргэж байхад, залуу нэг үеийнхэн харин мэссэжээр харилцан шинийн мэнд хүргэж ерөөл зүгнэлээ дэвшүүлэх болсон нь бүр ч моод болж байна.

      Шилийн голын Булган сумын малчин Энх морио унаж шинийн золголт хийдэг сайхан заншлаа эрхэмлэн уламжлаж байгаа боловч монгол гэрт нь байгаа гар утас нь зогсоогүй дуудсаар байлаа. "бүр л төрөл садан, найз нөхдүүдийн маань ирүүлсэн сар шинийн мэндчилгээ, битүүний шөнөөс эхлээд би бараг 50 гаруй ширхэг мэссэж хүлээж авлаа, өөрөө ч олныг илгээсэн" гэж баяртай ярьж байлаа.

      Мэссэж, утсаар шинийн мэндчилгээ хүргэх нь хотынхоны хэрэгжүүлдэг хамгийн сайн арга болсон гэхэд өнөө хөдөө орон нутгаар ч моод болж эхэлэх нь. "Бидэнд машин унаа гээд бүх юум бэлэн байлаа ч гэсэн, манай хөдөө орон нутагт айл өрх хоорондоо зайтай, дээр нь хүйтэн, зам нэвтрүүлэг дөхөмгүйгээс болоод заримдаа алс хол байдаг төрөл саданыхаар хүрч сар шинийн золголт хийж чадахгүй харамсаж явдаг удаа олон бий, сүүлийн жилүүдээс гэр бүл бүхэнд телефон утас, гар утастай болсноор шинийн мэндчилгээг ч маш түргэн хүргэж чадах боллоо, үүнд л их баярлаж явна даа" гэж Энх ярина.

      Энэ оны хувьд телевизийн цэгээн дэлгэцээр дамжуулан сар шинийн мэндчилгээ хүргэх болсон нь ч хөдөөгийн малчдын бас нэгэн моод явдал болжээ. Энхгийнхэн гэр бүлээрээ 100 юань зарцуулж байгаад одон телевизээр төрөл садандаа ая дууны мэндчилгээ дэвшүүлж сар шинийн бэлэг болгож байсан.

      "Хувьтай хүн хулгана жилийг үзнэ" гэгчээр хулгана жилийн сар шинээ үдэж байгаа талын монголчууд маань шинэ эрнийгээ хөгжил дэвшилд хөлгийн жолоо сонгон тэмүүлнэ.