Хай нань мужийг хүмүүс Хятадын 4 улирлын цэцэрлэгт хүрээлэн гэж үнэлдэг юм. 2007 онд бүх мужийн ойн бүрхэлтийн хэмжээ 57%-оос давж, бүх Хятадын дундад хэмжээний 4 дахинтай тэнцсэн байна. Энд үндэсний зэрэглэлийн ойн цэцэрлэгт хүрээлэн 8, байгалийн дархан цаазтай район 69 байж, бүх мужийн нутаг дэвсгэрийн дөрөвний нэг хувь нь үндэсний зэрэглэлийн экологийн хамгаалалтын район юм. Эдийн засаг маш түргэн хөгжихийн зэрэгцээ байгаль орчноо ч маш сайн хамгаалж ирсэн байна.

     Хай нань муж 1999 оноос экологийн байгуулалт хийж, 2007 онд экологийн муж болох стратеги тогтоосон байлаа.

      Хай нань муж экологи байгаль орчноо хамгаалахыг тогтвортой хөгжлийнхөө тэргүүн байранд тавьж, аж үйлдвэр бохирдуулалтай байж болохгүй, аж үйлдвэрийн том төсөл хэрэгжүүлэхдээ байгаль орчин эх баялаг эвдэж болохгүй, дор түвшинд давтан байгуулалт хийж болохгүй зарчмыг чанга мөрдөж, засгийн газар нийгмийн хяналтыг эрчимжүүлж, бохирдууллыг хамгийн дор хэмжээнд хязгаарлаж чадсан байна.
Бас орон нутгийн онцлогтоо зохицуулан зүүн бүсэд нь голдуу аялал жуулчлал, газар эдэлбэрийн ажил төрөл хөгжүүлж, баруун хэсгийн Ян пү, Дүн фан зэрэг нээлттэй районд аж үйлдвэрүүд хөгжүүлж, төв хэсгийн уулархаг районыг экологийн хамгаалалтад авчээ.

     Хай нань мужийн засгийн газар 2005 оноос байгаль орчны хамгаалалтын асуудлыг зохицуулах систем байгуулж, эрчим хүч хэмнэн алдагдлыг багасгах, экологи байгаль орчны хамгаалалтыг албан тушаалтадын ажлын үнэлгээний баримжаа болгож, хууль дүрэм, төлөвлөгөө тогтоох, байгаль орчинд үнэлгээ хийх, хөрөнгө мөнгө оруулах, хууль хэрэгжүүлэх зэрэг талаар чармайж, Хай нань мужийн экологи байгаль орчны хамгаалалтыг эрчимжүүлсэн байна.

     Хай нань муж нь халуун бүсний өндөр ургацтай тарималыг хөгжүүлэхийг эдийн засгийн стратегийн нэг болгож, хөдөө аж ахуйн үйлдвэрлэлийн явцад байгаль орчныг хамгаалах техниг мэргэжлийг өргөнөөр ашигласан байна.

     Хай нань мужийн хөдөө тосгоны байгаль орчин болон оршин суух нөхцөл боломж ч маш их сайжирсан байна. Хай нань муж 2000 оноос эхэлж, соёл иргэншилтэй экологийн тосгон байгуулж, 2007 оны эцэс болоход 7000 гаруй ийм тосгонтой болж, энэ нь уг мужийн нийт тосгоны гуравны нэг хувийг эзэлсэн байв.

     Хай нань мужийн экологийн байгуулалт нь аялал жуулчлалаа дээд түвшинд хөгжүүлэхэд эд бодис болон соёлын үндэс суурь тавьж өгсөн байна. Жишээлбэл халуун бүсний аялал жуулчлал, тэнгис далайн аялал жуулчлал, бартаа шинжилгээний аялал жуулчлал, халуун рашааны аялал жуулчлал зэрэг нь бүр экологийн бүтээгдэхүүн юм.

     Сань я-гийн байгалийн үзэмж, Я лүн вань, Сань я вань, Да дүн хай зэрэг нь бүр гадаадын жуулчдын анхаарлыг маш их татаж байна.