Хятадын хамгийн өмнөд хязгаарын Хай нань муж нь халуун бүсэд оршиж, хүнсний ногоо болон жимс элбэг гардаг болохоор Хятадын "хүнсний ногоо жимсний эх нутаг " гэж алдаршсан юм. Энэ газрын хүнсний ногоо жимс Хятадын эх газрын 100 гаруй том дунд хотыг хангадаг бөгөөд бас Америк, Европын холбоо, Орос, Япон, Зүүн өмнөд Ази зэргийн 20 гаруй улс орон газар нутагт гаргадаг. 2007 онд Хай нань мужийн хөдөө аж ахуйн гол болох бүтээгдэхүүний экспортын хэмжээ 4 сая 500 мянган тоннд хүрч, экспортын орлогын хэмжээ нь 400 сая ам долларт хүрчээ. Өнөө халуун бүсний өндөр үр ашигтай хөдөө аж ахуй нь Хай нань мужийн эдийн засгийн хөгжлийн чухал стратеги болсон байна.

      Хэ нань нутагтай Гүө Жи яао өнгөрсөн зууны сүүлчээр аралжаа хийх гэж зах зээлийн талаар ихээхэн судалгаа хийгээд Хай наний ногоо жимсний чанар маш сайн ба эх газарт маш их зах зээлтэйг олж мэдээд, Хай нань дао аралд хүрч аж ахуй эрхэлэхээр зориг шийджээ. Тэрээр хэлэхдээ, би энд ирэхээсээ өмнө эх газрын зах зээлд судалгаа хийгээд Хай наний нарний тусалт маш сайн бөгөөд өвөл ч маш дулаахан болохоор ногоо жимсний чанар маш сайн байдгыг олж мэдсэн юм. Ийм болохоор ижил төрлийн ногоо жимсээр аваад хэлэхэд Гуан дүн мужийнхаас 30%-р үнэтэй байдаг. Ийм их давуутайг нь олж мэдээд хөрөнгө оруулахаар ирсэн юм гэжээ.

      1999 оноос Гүө Жи яао Хай наньд аж ахуй эрхэлж, хөдөө аж ахуйн хөгжлийн компани байгуулжээ. Тэрээр эх газрын зах зээлийн хэрэгцээ шаардлагын дагуу тухайн газрын тариачдаар холбогдох тарималуудыг тариулж, аралжаа наймаа нь явах тусмаа бүр их өргөжжээ. Одоо түүний компанийн үйлдвэрлэлийн бааз 200 гаруй га талбайтай болсон бөгөөд өвлийн хүнсний ногоо тарихаас гадна бас халуун бүсний маш олон төрлийг жимс тарьж, Франц, Герман, Канад зэргийн улс оронд зах зээлтэй болсон байна. Гүө Жи яао шиг ингэж Хай наньд аж ахуй эрхэлж, хөдөө аж ахуй хөгжүүлж байгаа компани их олон байдаг юм байна. Түүний олонхи нь өнгөрсөн зууны 90-ээд онд байгуулагдсан аж. Тухайн үед нь тус мужийн засгийн газраас халуун бүсний өндөр үр ашигтай хөдөө аж ахуй хөгжүүлэх шийдвэр гаргаж, тариачдын улирлын эсрэг жимс ногоо тарихыг урамшуулан дэмжиж байсан байв.