Хятадын газар хөдлөлтийг хэмжих станцын сүлжээний сүүлийн хэмжилтээс үзвэл, Бээжингийн цагаар 5-р сарын 12-ны өдрийн 14 цаг 28 минутад Сь Чуан мужийн Вэнь чуан сияньд \ умард өргөргийн 31 градус, зүүн уртрагийн 103.4 градус\ 7.8 баллын хүчтэй газар хөдөлсөн байна.

      Энэ удаагийн газар хөдлөлт маш хүчтэй, нэлээд их газрыг нөлөөлсөн байна. Хятадын Нинся, Хөхнуур, Шанхай зэрэг арав гаруй муж хотод бүр газар хөдөлсөн нь мэдрэгдсэн байна.

     Газар хөдлөлтийн дараа, Хятад улсын дарга Хү Жиньтао тэр даруйд нь чухал заавар өгч, гэмтэж бэртсэн хүмүүсийг нэн түргэн аварч, гамшигдсан районы ард түмний амь насны аюулгүй байдлыг батлах хэрэгтэй гэж онцолсон байна. Хятад улсын ерөнхий сайд Вэнь Жябао одоо яг гамшигдсан районы ажлыг жолоодохоор явж байна.

      Хятадын АЧА-ын жанжин штав ч Чэндүгийн цэргийн тойргийн харьяа цэргийн ангид түргэн заавар өгч, орон нутгийн засгийн газарт туслан газар хөдлөлтийн байдлыг байцаан тодлож,шуурхай арга хэмжээ авах төслийн дагуу гамшгаас авран туслах бэлтгэлээ сайн хийж, гамшгаас авран туслах ажилд оролцоход цаг ямагт бэлэн байх хэрэгтэй гэж шаардсан байна.

      Вэнь чуань сянь нь Сь Чуан мужийн төв Чэндү хотоос баруун хойш 100 гаран киллометрт байгаа, 110 мянга гаран хүн амтай. \Пэрлаймаа орчуулж,Баясгалан хянав\