Хятадын Сычуань мужийн Вэньчуань сяньд 7.8 баллын хүчтэй газар хөдөлснөөс хойш ХОУР-ын гадаадын олон орны сонсогчид захидал, цахилгаан, Е-майл ирүүлж, гамшигт дайрагдсан районы ард иргэдийг халамжилж, амь үрэгдэгсдэд эмэгнэл илэрхийлж байна. Газар хөдлөлтийн гамшигт зоригтой нүүрлэхийг гамшигдсан районы ард түмэнд гадаадын сонсогчид хүсэж байгаа бөгөөд Хятад улсад тусламжийн гараа сунгахыг олон улсын хамтын нийгэмлэгт уриалсан байна. Газар хөдлөлтийн гамшиг Бээжингийн Олимпийг амжилттай зохион байгуулахыг нөлөөлөхгүй гэдэгт итгэж байгаагаа тэд бас илэрхийлжээ.

      Захиа, Е-майл ирүүлсэн олон сонсогч, бид газар хөдлөлтөөс болсон сэтгэл санааны уй гашууг нь хуваалцаж, гамшигт нэрвэгдсэн ард иргэд болон Хятадын ард түмэнд чин сэтгэлээсээ халамжилж байгаагаа илэрхийлж байна гэж тэмдэглэжээ.

     Гадаадын сонсогчид бас бид Хятадын ард түмний талд зогсож байна. Газар хөдлөлтийн гамшигт зоригтой хандахыг гамшигдсан районы ард түмэнд хүсэж байна гэж илэрхийлжээ. Оросын сонсогч Логинов николаж констатиновец ирүүлсэн захиандаа, Хятадын ард түмэн лавтай ялна. Аз бус тохиолдол учирсан үед Хятадын ард түмэнтэй Оросын ард түмэн хамт байгаа гэдгийг Хятадын ард түмэн хэзээ ч санаж байхыг хүсэж байна гэж тэмдэглэжээ. Аргентины сонсогч Хуго лонхи: газар хөдлөлтийг төсөөлж чадахгүй, түүнээс зайласхийж чадахгүй боловч бүгдээрээ эв санаа нэгтэй, идэвхтэй тэмцвэл, эцсийн ялалтыг лавтай олно гэж тэмдэглэжээ.

      Хятадын засгийн газрын гамшгаас авран туслах ажлыг цаг даруйд нь үр ашигтай хийснийг гадаадын сонсогчид өндрөөр үнэлж байна. Энэтхэгийн "Ногоон энх тайван" сонсогчдын клубын эрхлэгч Цунни лал кайварт ирүүлсэн Е-майлдаа: Хятад улс энэ удаагийн гамшгийг өнгөрснийхтэйгээ адил шуурхай, үр ашигтай зохицуулж, хэвийн дэг журам, амьдралаа эртхэн сэргээхийг хүсэж байна гэж илэрхийлжээ. Алжирын сонсогч Авдул, раззед кассаму хэлэхдээ: ноцтой гамшиг нь гамшигдсан районы ард түмнийг Хятадын удирдагчид халамжилж байгааг улам илүү харуулж байна. Энэ нь сэтгэл тогдлуулж байна гэжээ. Афганистаны радиогийн сэтгүүлч, манай радиогийн сонсогч Ахмад, Сычуаний газар хөдлөлт болсноос хойш олон мэдээлэл хийсэн байна. Тэрээр тусгайлан Е-майл ирүүлж, гамшгаас авран туслах ажилд түргэн шуурхай арга хэмжээ авсан Хятадын засгийн газрыг сайшаасан байна. Авран туслах ажил түргэн ахицтай болно гэдэгт итгэж байгаагаа илэрхийлжээ.

      Хятад улсад тусламжийн халуун гараа сунгахыг олон улсын хамтын нийгэмлэгт гадаадын сонсогчид уриалжээ. Итали, Бразели, Пакистан, Нигери, Унгар, Вьетнам, Энэтхэг, Герман зэрэг орны сонсогчид: өөрийн хайр халамжаа үзүүлнэ гэж илэрхийлжээ.

      Газар хөдлөлтийн гамшиг нь Бээжингийн Олимпийг нөлөөлөхгүй, Бээжинийн Олимпийн наадам лавтай амжилттай зохиогдоно гэдэгт бат итгэж байгаагаа гадаадын сонсогчид илэрхийлж байна. \Баясгалан орчуулж, Буян хянав\