Сэтгүүлч Хятадын Иргэний засаг захиргааны ажил эрхэлсэн яамны гамшгаас авран туслах ажлын хэлтсээс мэдээлснийг үзвэл: 6-р сарын 14-ний өдрийн бүртгэлийн байдлаар, Хятадын Өмнөд нутгийн 9 мужид үерийн гамшиг үргэлжилж, нийт 17 сая 870 мянган хүн гамшигт өртөж, Гамшгийн улмаар 55 эндэж, 7 хүн сураггүй байна.

      Үүнээс гадна 860 мянга гаруй га таримал гамшигт өртөж, эдийн засгийн шууд хохирол 10 тэрбум 600 сая юаньд хүрсэн байна.

      Эх сурвалжийн мэдээнээс үзвэл: 6-р сарын 6-ны өдрөөс хойш, Жэжян, Жянши, Хүнань, Гуандүн, Гуанши, Юньнань зэрэг Өмнөдийн 9 муж, өөртөө засах районд үерийн гамшиг болж байна. Үүнд холбогдуулан Хятадын Үндэсний гамшгийг буруулах комисс болон Иргэний засаг захиргааны ажил эрхэлсэн яам 14 –ний өдөр гамшиг гарсан районд ажлын хэсэг томилж, тухайн орон нутгийн гамшигтай тэмцэн, гамшгаас авран туслах ажилд тусалж байгаа юм байна. \Г. Сайн-Өлзий орчуулж, Э.Цогзолмаа хянав.\