2004 онд, өөрөөр хэлбэл Шян Наньлинь зенетийн их буут хороонд ирсний дараа жил байж билээ. Цэргийн ангийн зэвсэг тоноглолыг шалгаруулах уралдаанд олон жил ажилласан туршлагтай техникчдийг ялж, командлах багаж хэрэгслийн засврын нэгдүгээр байрыг эзэлсэн байна. Үүний дараагаар дээд шатны шаардлагын дагуу, цэргийн ангийн тоног төхөөрөмжийг шинэтгэн солих ажилд мэргэжлийн хүн оролцуулахгүй байдалд судалгааны хэсэг байгуулан шинэтгэн солих үүргийг бие даан биелүүлэхээр сум нь шийдвэрлэжээ. Шян Наньлинь сайн дураараа хэсгийн дарга болж, энэ үүргийг биелүүлэхээр дааж авчээ.

     Командлах хуучин багаж хэрэгслийг шинэтгэн солих гэсэн мэдээг дуулаад энэ тухай материал цуглуулж, тасгийн нөхдийн хамт урьдаас сурч судалсан юм. Мэргэжлийн хүмүүс тоног төхөөрөмжийг эзэмшихэд бэлэн болохоос биш, тоног төхөөрөмж бэлэн болоод мэргэжилийн хүмүүсийг хүлээн сууж болохгүй л дээ гэж Шян Наньлинь хэлж байлаа. Ингээд тэр хэсгийн нөхдийнхөө хамт өдөр бүр үүрийн дөрвөн цагт босож, тайлбарын дагуу эд ангийг нэгд нэгээр хэмжин судалжээ. Гурван сарын дараа тэр 200 мянган үсэгтэй ажиллагааны аргыг бичиж, мальтимедийн сургалтын зургаан программ боловсруулан гаргаж 15 ажиллуулагч, 5 багш бэлтгэсэн байна.

     Хатуужилтай сурах талаар цэргийн ангидаа Шян Наньлинь нэрд гарчээ. Тэр өөрийн ажил мэргэжлээ сайн сурч эзэмшихээр зогсохгүй бусад тоног төхөөрөмжийн тухай ч сайн мэддэг олон чадвартай хүн. Нэг удаагийн үнэн сумны буудлагад харвахад бэлэн болсон бууны замагт гэнэт гэмтэл гарав. Энэ бачим шахуу үед Шян Наньлинийг авчраад зургаахан минутад гэмтлийг арилгасан байна. Тэрээр цэргийн ангид элсэн 9 жилд дээд шат нь түүний ажлын байрыг 6 удаа сольж, ажлын байр бүр дээр олон удаа гавьяа байгуулж ирсэн юм.