Тайваний үндэстний цөөнхийн ах дүү нарыг Хятадын эх газарт уриж ирүүлэхээс гадна Тайвань аралд очиж үндэстний цөөнхийн соёлын солилцооны ажиллагааг зохион явуулах нь Тайваний хоолойн хоёр эргийн соёлын солилцооны чухал хэлбэр болсон байна. 2006, 2007 онд Хятадын үндэстний дуу бүжгийн чуулга урилгын дагуу Тайвань орож тоглоод, олон салбарын өндөр үнэлгээг олсон юм.

     Үндэстний цөөнхийн урлагийн бүлхэмийн солилцоо хамтын ажиллагаагаас гадна боловсролын салбар дахь хамтын ажиллагаа ч өдрөөс өдөрт өрнөн хөгжиж байна. 1996 онд, Хятадын үндэстний хэрэг эрхлэх газар эх газрын үндэстний сургуулийн захирал нарын төлөөлөгчдийг зохион байгуулж, Тайваний холбогдох эрдэмтэн мэргэжилтнүүдтэй эрдэм шинжилгээний солилцоо хийлгэсэн байна. Тэр цагаас эхлээд Тайваний хоолойн хоёр эргийн үндэстний цөөнхийн боловсрол эрдэм шинжилгээний салбар дахь солилцоо хамтын ажиллагаа улмаар олширч иржээ. 2002 онд Хятадын төвийн үндэстний их сургууль нь Тайваний практик их сургуультай сургуулийн хэмжээний солилцооны харилцааг байгуулсан бөгөөд "хамтын ажиллагааны хэлэлцээр"-т гарын үсэг зурсан байна. Энэ нь Хятадын эх газрын үндэстний их дээд сургууль хэлэлцээрийн хэлбэрээр Тайваний их дээд сургуультай анх удаагаа хамтын ажиллагааны харилцааг байгуулж байгаа явдал болно.