Хятадын тамирчид дэлхийн хөнгөн атлетикийн уралдаанд анх удаа багийн аварга болсон нь 1983 оны 9-р сард Норвегийн Берген хотод болсон Спорт алхааны дэлхийн цомын 3-р тэмцээн дээр Шюй Юнжиү, Янь Хүн, Гуань Пин, Юй Хэпин дөрвөн хүнээр бүрэлдсэн Хятадын эмэгтэйн баг 132 оноогийн нийлбэр дүнгээр эмэгтэйчүүдийн 10 километрийн спорт алхааны багийн аварга болж, Хятад улс дэлхийн хөнгөн атлетикийн тэмцээнд алтан медаль аваагүй байсан түүхийг эцэс болгов.

      Спорт алхааны анхны дэлхийн аварга: 1983 оны 9-р сард Норвегийн Берген хотод болсон Спорт алхааны дэлхийн цомын 3-р тэмцээн дээр Хятадын Ляонин мужийн 1,62 метр нуруутай, 19-хэн настай Шюй Юнжиү 45 минут 13 секунд 4-ий амжилтаар Австралийн тамирчныг ялж, эмэгтэйчүүдийн 10 километрийн спорт алхааны хамгийн сайн амжилт тогтоож, Спорт алхааны дэлхийн цомын эмэгтэйчүүдийн 10 километрийн спорт алхааны аварга болсон бөгөөд Хятадын хөнгөн атлетикийн түүхэн дээрх спорт алхааны анхны дэлхийн аварга болсон байна.

      Хөнгөн атлетикийн дэлхийн рекорд амжилтыг шинэтгэсэн Хятадын анхны тамирчин: Хятадын Ляонин мужийн 19-хэн настай эмэгтэй тамирчин Янь Хүн 1984 оны 5-р сард Норвегийн Берген хотод болсон олон улсын спорт алхааны тэмцээнд 21 минут 40 секунд 3-ын амжилтаар эмэгтэйчүүдийн 5 километрийн талбайн спорт алхааны 21 минут 51 секунд 85-ын дэлхийн рекорд амжилтыг шинэчилсэн бөгөөд 8 хоногийн дараа нь Данийн Копенгагенд эмэгтэйчүүдийн талбайн 10 километрийн спорт алхааны дэлхийн рекорд амжилтын шинэтгэж, хөнгөн атлетикийн төрлийн дэлхийн рекорд амжилтыг шинэтгэсэн Хятадын анхны тамирчин болсон байна.

      Авто замын спорт алхааны хамгийн түргэн тамирчин: Хятадын авто замын спорт алхааны хамгийн түргэн тамирчин бол Ляонин мужийн эмэгтэй тамирчин Янь Хүн юм. 1985 оны 3-р сарын 16-ны өдөр тэрээр Хятадын Жядин шянь болсон 1985 оны Хятадын хаврын улирлын марафон гүйлт болон спорт алхааны тэмцээний анхны өдөр болсон эмэгтэйчүүдийн авто замын 10 метрийн спорт алхааны тэмцээнд 44 минут 14 секундийн амжилтаар дэлхийн 44 минут 56 секунд 10-ын хамгийн сайн амжилтаас давсан байна.

      Эмэгтэйчүүдийн талбайн 5 километрийн спорт алхааны дэлхийн рекорд амжилтыг шинэтгэсэн анхны тамирчин: 1986 оны 3-р сарын 9-ний өдөр Жянши мужийн Жи-ань хотод болсон Хятадын хаврын улирлын спорт алхааны тэмцээнд Ляонин мужийн 15 настай эмэгтэй тамирчин Ван Янь 21 минут 33 секунд 8-ын амжилтаар ЗХУ-ын тамирчны тогтоосон 21 минут 36 секунд 2-ын насанд хүрсэн эмэгтэйчүүдийн талбайн 5 километрийн спорт алхааны дэлхийн рекорд амжилтыг шинэтгэж, Эмэгтэйчүүдийн талбайн 5 километрийн спорт алхааны дэлхийн рекорд амжилтыг шинэтгэсэн Хятадын анхны тамирчин болсон байна. \М. Цэцэн бэлтгэв\