11-ний өдөр Израилийн цэрэг Газын зурваст агаараас дайрах газар дээгүүр довтлохоо үргэлжлүүлж, мөн өдөр Палестины 38 хүн үрэгджээ. Ингээд Израилийн цэрэг дайны үйл ажиллагаанд үрэгдсэн хүний тоо 900-гаас давжээ.

      Газын зурваст түргэн тусламж үзүүлж байгаа байгууллагын мэдээнээс үзвэл, 11-ний өдөр Израилийн цэрэг Газын нутаг дахь олон объектыг агаараас дайран их буугаар галлаж, олон байшин барилгыг сүйрүүлж, энгийн ард иргэдийг алж хохироосон байна. Одоогийн байдлаар, Израилийн Газын зурваст хэрэгжүүлсэн цэргийн цохилтод 901 хүн амь үрэгдэж, бэртэж шархадсан хүний тоо 3695-аас давсан юм байна.

     Египетийн мэдээлэх агентлагийн мэдээлснээс үзвэл, Египет болон Палестины Лалын эсэргүүцлийн хөдөлгөөний төлөөлөгчид Кайрт Газын зурваст гал зогсоох асуудлаар хийсэн хэлэлцээ нь идэвхтэй ахиц хийж, Хамас-ын төлөөлөгчид байлдаанаа түргэхэн эцэслүүлэхийг зөвшөөрч, хоёр тал 12-ны өдөр хэлэлцээгээ үргэлжлүүлэх болно. Дипломат арга замаар гал зогсоох хэлэлцээр тохиролцож, Газын хямралыг зохицуулах боломж байсаар гэж мөн өдөр Иерусалимаас ирсэн мэдээ сайн мэддэг хүмүүс илэрхийлжээ. \Урангоо орчуулж, Цэцэн хянав\