Хятадын уламжлалт баяр цагаан сар ойртож байгаатай холбогдуулан Цэргийн төв зөвлөлийн Бээжинд байгаа цэргийн ангийн ахмад дайчдад зориулсан шинэ хаврын уран сайхны тоглолт 13-ны өдөр Бээжинд болов. ХКН-ын Төв хорооны Ерөнхий нарийн бичгийн дарга, Хятад улсын дарга, Цэргийн төв зөвлөлийн дарга Хү Жиньтао уран сайхны тоглолтыг сонирхон үзэж, тоглолт сонирхохоор ирсэн цэргийн ангийн ахмад дайчид болон нийт армийн тэтгэвэрт гарсан ахмад боловсон хүчинд баярын мэндчилгээ дэвшүүлж, цагаан сарын баяраар баяр хөөртэй, эрүүл энх, урт удаан наслахын өлзийтэй ерөөл дэвшүүлэв.

      Тоглолт эхлэхээс өмнө, дарга Хү Жиньтао тоглолт сонирхохоор ирсэн зарим ахмад нөхөдтэй дотноор гар атган мэндэлж, тэд нарт баярын мэндчилгээ дэвшүүлжээ.

     Тоглолт дууссаны дараа, дарга Хү Жиньтао тайзанд гарч жүжигчидтэй дотноор гар атган мэндэлж, тоглолт амжилттай болсонд баяр хүргэж, нийт армийн ахмад нөхдөд эрүүл энх, аз жаргалтай явахын өлзийтэй ерөөл дэвшүүлэв. \Урангоо орчуулж, Цэцэн хянав\