Бээжинд болж байгаа Зуны олимпийн 29-р наадам 24-ний орой хаалтаа хийж байна.

     Албаны талын нийтэлсэн тоо баримтаар бол, энэ удаагийн олимпийн наадам оролцсон улс орон, газар нутгийн тоо, дэлхийн рекорд амжилтыг шинэтгэсэн тоо, телвиз радиогаар дамжуулсан цар хэмжээ, дэлхий нийтэд телвизийн нэвтрүүлэгийг хүлээн авч үзсэн хүний тоо зэргээр бүгд олимпийн наадмын шинэ амжилтыг тогтоосон байна.

     ОУОХ-ын дарга Рогге, Хятад улсын дарга Хү Жиньтао тэрчлэн 20 гаруй улс орны төринй тэргүүн, вангийн төлөөлөгч нар энэ оройн хаалтын ёслолд оролцож байна.

     Рогге 24-ний өдөр болсон хэвлэлийн бага хурал дээр, Бээжингийн олимпийн зохион байгуулах хорооны ажилд ОУОХ сэтгэл ханхлуун байна. Бээжингийн олимпийн наадам Хятадыг дэлхий дахинд нэн өргөнөөр ойлгуулж, дэлхий ертөнцийг Хятад улс нэн ойлгох болгосон байна гэж илэрхийлжээ.

      Энэ удаагийн олимпийн тэмцээнд медаль авсан тамирчид нь 80 гаруй улс орон, газар нутгаас ирсэн байж, энэ тоо нь 2004 оны олимпийн 75 улс орон, газар нутгаас 12-оор давсан байна.

      Алтан медалийн тоогоор Хятад улс анх удаа нэгдүгээр байр эзэлж, АНУ, ОХУ хоёрдугаар, гуравдугаар байранд жигсаагдсан байна. Гэвч медалийн тоогоор АНУ мөн л нэгдүгээр байранд жигсаагджээ.

      Энэ бол дэлхийн биеийн тамир спортын хамгийн өргөн их цуглаан анх удаагаа дэлхийн хүн амаар хамгийн их улсад зохиогдсон болно. Өнөө орой Бээжингийн олимпийн наадмын хаалтийн ёслол дээр дараачийн олимпийг зохион байгуулах хот Их Британий Лондон хот олимпийн далбааг хүлээн авах болно. \Гэрэлт орчуулж, Цэцэн хянав\