Колумбын Ерөнхийлөгч Алваро Үрибе Велаз 29-ны өдөр Колумбын 2 дах том хот Меделлинд Америк тивийн хөгжлийн банкны 50 дахь удаагийн жил тутмын хуралд оролцохоор ирсэн Хятадын Ардын банкны Ерөнхийлөгч Жөү Шяо-чуаньтай уулзаж, хоёр талын хамтын ажиллагааг улам эрчимжүүлэх талаар санал бодлоо солилцсон байна.
Хоёр тал Колумб болон Хятад хоёр орны сүүлийн үеийн хамтын ажиллагаа, харилцан айлчлал хийгээд улс төр эдийн засгийн харилцааны талын хөгжлийг сайшаажээ. Хятад улсыг Америк тивийн хөгжлийн банканд элсүүлэх болон жил тутмын хурлыг зохион байгуулсан явдалд Хятадын тал талархаж байна. Америк тивийн хөгжлийн банканд оролцсоны дараа, Хятадын хөгжлийн банк, Экспорт импортын банк болон Хятадын банк зэрэг банкууд Хятад Колумб хоёр талын худалдааны болон төслийн хөрөнгө нийлүүлэх зэрэгт олон талын үүрэг гүйцэтгэнэ гэж Хятадын тал илэрхийлэв.
Хоёр тал эдийн засаг, дэд бүтцийн байгуулалт, банк санхүүгийн дэмжлэг, худалдаа зэрэг талын хамтын ажиллагааны хэтийн төлөвийн талаар ярилцав. Дэд бүтэц, хөдөө аж ахуй зэрэг салбарт Хятадтай хамтран ажиллахыг хүсэж, банк санхүүгийн хямралын улмаас худалдаа буурч байгаад сэтгэл зовинож байгаагаа Коломбын тал илэрхийлсэн байна./Анар орчуулав./
Өдөр дутмын 
