Хятадын ардын банкны ерөнхийлөгч Жөү Шяочуань 30-ны өдөр Колумбын 2 дахь том хот Меделлинд хэлэхдээ, Америк тивийн хөгжлийн банк нь Хятад, Латин Америкийн хамтын ажиллагааны чухал талбар болсон, Хятадыг элсэх нь хоёр талын санхүүгийн салбарт хамтран ажиллахад ашигтай нөхцөл буй болгоно гэжээ.
Америк тивийн хөгжлийн банкны гишүүн орнуудын санхүүгийн сайд ба төв банкны ерөнхийлөгч нарын 50-р чуулган дээр Жөү Шяочуань Хятадын зөвлөгчийн хувиар үг хэлсэн байна. Америкийн хөгжлийн банкны 50 жилийн туршид Латин Америк болон Карибын бүс нутгийн ядуурлыг бууруулах, эдийн засаг нийгмийн хөгжилд тус дөхөм үзүүлэх талаар олсон амжилтыг тэрээр сайшаасан бөгөөд гишүүн орнуудын хамт банк санхүүгийн хямралыг зохицуулж, Латин Америк болон Карибын бүсийн эдийн засаг нийгмийн тогтвортой хөгжилд тус дөхөм үзүүлэхэд Хятад улс бэлэн байна гэжээ. Хятадын банк санхүүгийн олон байгууллага болон Америкийн хөгжлийн банк хоорондын хэлэлцээрүүд бодитой чанарын шат үедээ орлоо гэж тэрээр бас онцолсон байна.
Мөн өдөр, Хятадын хөгжлийн үндэсний банкны зөвлөгч Лиү Кэгү, Америкийн хөгжлийн банкны ерөнхийлөгч Луис Алберто Морено нар хамтын ажиллагааны меморандумд гарын үсэг зурсан байна. \Сарантуяа орчуулав\
Өдөр дутмын 
