Хятад улс Америк Тивийн Хөгжлийн Банкны жил тутмын ээлжит чуулганд анх удаа албан ёсоор оролцов

     Америк Тивийн Хөгжлийн Банкны жил тутмын ээлжит 50-р чуулган 27—31-ний өдрүүдэд Колумбын хоёр дохь том хот Меделлинд боллоо. Хятадын Ардын Банкны ерөнхийлөгч Жөү Шяочуань тэргүүтэй Хятадын төлөөлөгчид албан ёсны гишүүний хувиар хуралд оролцсон бөгөөд Зөвлөлийн гишүүний нэрийн өмнөөс их хурал дээр үг хэлэв.

     Энэ удаагийн ээлжит чуулган нь банк санхүүгийн хямрал тасралтгүй даамжирч байгаа байдалд хуралдав. Жөү Шяочуань сурвалжлагчид ярилцлага өгөх үед, олон орны банк санхүүгийн байгууллага олон улсын хамтын ажиллагаагаа эрчимжүүлж, хямралыг хамтран зохицуулах ёстой гэж тэмдэглэв.

     Тэрээр хэлэхдээ, Энэ удаагийн хурал нь банк санхүүгийн хямрал ихээхэн газар авч байгаа үед хуралдсанаараа онцлог болж байна. Иймээс шинээр хөгжсөн зах зээл болон хөгжиж байгаа орнууд хоорондын үйл ажиллагаагаар дамжуулан банк санхүүгийн хямралын дайралтыг хэрхэн зохицуулах вэ гэдэг нь чухал сэдэв болсон байна гэжээ.

     30-ны үдээс өмнийн их хурал дээр Жөү Шяочуань 50 жилийн турш Америк Тивийн Хөгжлийн Банк Латин Америк болон Карибын бүс нутгийн ядуурлыг бууруулах, нийгэм эдийн засгийн хөгжлийг түргэтгэх талаар амжилт хийлээ гэж өндрөөр сайшаав. Гишүүн орнуудтай хамтаар банк санхүүгийн хямралд хандаж, Латин Америк болон Карибын бүс нутгийн нийгэм эдийн засгийн тогтвортой хөгжлийг түргэтгэхэд Хятад улс бэлэн байна гэж тэрээр мөн илэрхийлжээ.

     Хятад улс анх удаа албан ёсны гишүүний хувиар хуралд оролцсон ба Жөү Шяочуаний их хурал дээр хэлсэн үг нь талуудын дэмжлэг сайшаалыг хүлээсэн байна. Америк Тивийн Хөгжлийн Банкны 14 гүйцэтгэгч гишүүний нэг Винстон Кос манай радиогийн сурвалжлагчид ярилцлага өгөх үед хэлэхдээ,

      Хятад улс Америк Тивийн Хөгжлийн Банканд нэгдсэнд би маш баяртай байна. Үүнийг бид хүлээгээд их удсан, мөн ч үүний төлөө их хүчин чармайлт гаргасан юм. Миний эх орон Барбадос Хятадын нэгдэн орохыг ихээхэн дэмжиж байна. Учир нь бид болон Хятад улс цөмөөрөө Карибын хөгжлийн банкны бүрэлдэхүүн мөн, иймээс бид Хятад улсын Америк Тивийн Хөгжлийн Банканд нэгдэн орохыг маш дэмжиж байгаа юм гэжээ.

      Хятад улс Америк Тивийн Хөгжлийн Банкны группийн гишүүн болсон нь хоёр талын худалдааг ахиулах, хамтын ажиллагааны салбарыг өргөтгөхөд үүрэг гүйцэтгэх бөгөөд хоёр талаараа амжилтад хүрэхэд ашигтай юм гэж шинжээчид үзэж байна.

      Чилийн Сангийн яамны Олон улсын хэргийн зохицуулагч гишүүн Раул Ебуарбо Саез хэлэхдээ, Америк Тивийн Хөгжлийн Банкны хувьд Хятад улс шиг эдийн засгийн том гүрнийг гишүүн орон болгон авах нь хөгжлийн чухал алхам болно. Хятад улс нь Латин Америк тивийн бүс нутгийн эдийн засгийн хөгжил, Ялангуяа импорт экспортын худалдааны талд маш чухал юм. Хятад улс Азид оршиж, Латин Америк болон Карибын бүс нутгийн орон биш хэдий ч уг бүс нутгийн бус оронтой түүний адилгүй тал нь Хятад улс бол хамтын ажиллагааны шинэ түнш, Латин Америк Тивийн хөгжлийн банканд нэгдэн орох нь Латин Америкийн бүс нутаг дахь нөлөөгөө цаашид өргөтгөх болно гэжээ.

      Банк санхүүгийн хямрал Латин Америк болон Карибын районыг эхлэн нөлөөлснөөс уг бүс нутгийн дэд бүтцийн байгуулалтад анхаарлаа хандуулсаар ирсэн Америк Тивийн Хөгжлийн Банкны хувьд, хөрөнгө мөнгө нэмэгдүүлэхээр дамжуулан олон улсын банк санхүүгийн хямралын уг бүс нутагт үзүүлэх нөлөөг намдаах эсэх асуудал нь туйлын чухал юм. Энэ нь мөн ч энэ удаагийн ээлжит чуулганы авч хэлэлцэх гол асуудал болсон байна. \Урангоо орчуулж, Цэцэн хянав\