Лондоны дээд хэмжээний уулзалтыг нааштай ажилч хэрэгч үр дүнд хүрэнэ

     Хятад улсын дарга Хү Жиньтао Лондон хүрч, удалгүй Лондонд болох гэж байгаа 20 орны бүлгийн удирдагчдын банк санхүүгийн 2-р удаагийн дээд хэмжээний уулзалтад орохоор 4-р сарын 1-ний өглөө Бээжингээс мордсон байна. Мордхосоо өмнө тэрээр Хятадын Үндэсний мэдээлэх агентлаг-Синьхуа хороонд ярилцлага өгөх үед хэлэхдээ, Өнөөгийн өөрчлөлт ихтэй олон улсын эдийн засгийн байдлын өмнө нэн даруй хийх ажил бол нэгт, олон улсын банк санхүүгийн зах зээлийг нэн даруй тогтвортой болгож, банк санхүүгийн бодитой эдийн засагт үзүүлэх нөлөөг үнэн бодитой гүйцэд бадруулж, ард иргэд болон аж ахуйн нэгжийн итгэлийг дээшлүүлэх хэрэгтэй. Хоёрт, өөр өөрийн орны байдалд зохицсон эдийн засагт сэдэлт өгөх араг хэмжээ авч, олон орны макро эдийн засгийн бодлогын зохицуулалтыг эрчимжүүлж, хөгжлийг баталж, ажлын байраар хангахыг баталж, ардын амьжиргааны төвшинг батлах ёстой. Гуравт, худалдаа болон хөрөнгө оруулалтын ивээх үзлийг хазаарлан зогсоож, хямралын дэлхийн олон орон ялангуяа шинээр хөгжиж байгаа орнуудад учруулах хор нөлөөг багасгах хэрэгтэй. Дөрөвт, бүх талын тэнцвэртэй, алхам дараатай ахих, ажил хэрэгч байх зарчмын дагуу олон улсын банк санхүүгийн системд шаардлага бүхий өөрчлөлт хийж, ийм хямрал дахин гарахаас зайлах ёстой гэжээ.

     2008 оны 11-р сарын 15-ны өдөр, 20 орны бүлгийн удирдах хүмүүс Вашингтонд цугларч, банк санхүүгийн анхны дээд хэмжээний уулзалт хийсэн юм. Энэ уулзалт дээр Хятад улсын дарга Хү Жиньтао "Хатмаар чармайж, хүндрэл бэрхшээлийг хамтаар даван туулъя" гэсэн үг хэлж, Хятадын засгийн газрын олон улсын хамтын нийгэмлэгтэй хамтын ажиллагаагаа эрчимжүүлж, банк санхүүгийн зах зээлийн тогтвортой байдлыг сэргээж, дэлхийн эдийн засгийн өсөлтийг ахиулах байр суурийг тодорхойлсон юм. Дарга Хү Жиньтао хэлэхдээ, Хятад улс хариуцлагатай байр сууриар олон улсын хамтын нийгэмлэгтэй хамтаар хамтын ажиллагаагаа эрчимжүүлж, олон улсын банк санхүүгийн тогтвортой байдлыг хамгаалах болно гэжээ.

     Талуудын хамтын хүчин чармайлтаар 20 орны бүлгийн гишүүн орнуудын удирдах хүмүүсийн Вашингтонд хийсэн дээд хэмжээний уулзалтаар олон улсын хамтын нийгэмлэгийн хамтын ажиллагааг эрчимжүүлэх, банк санхүүгийн хямралыг хамтаар зохицуулах, эдийн засгийн өсөлтийг дэмжих талаар тохиролцоонд хүрсэн бөгөөд дэлхийн банк санхүүгийн системд өөрчлөлт хийж, ийм хямрал дахин гарахаас сэргийлэхийг уриалсан билээ. Энэ дээд хэмжээний уулзалт нь хүмүүсийн хямралыг зохицуулж, банк санхүүгийн системд өөрчлөлт хийх анхны алхам болсон байна.

     Банк санхүүгийн хямрал өдөр ирэх тутам газар авч байгаа өнөөдөр Лондоны дээд хэмжээний уулзалтад хүмүүс нэн их хүсэл найдвар тавьж байна. Энэ талаар Хятадын Гадаад хэргийн яамны орлогч сайд Хэ Я-фэй саяхан хэлэхдээ, Хятадын тал хариуцлагатай,бүтээлч байр сууриар энэ дээд хэмжээний уулзалтад идэвхтэй оролцож, олон улсын хамтын нийгэмлэгт холбогдсон чухал чухал асуудлаар талуудыг нааштай, ажил хэрэгч үр дүнд хүргэхээр чармайх болно гэжээ.

     Энэ хямрал үүссэний дараа их олон улс орон эдийн засагтаа сэдэлт өгөх төлөвлөгөө боловсруулсан, Хятадын засгийн газар ч дотоодын эрэлт хэрэгцээгээ өргөтгөх, бүтцийн зохицуулалт хийх, ард түмний амьдралыг сайжруулах цогцолбор төлөвлөгөөг цаг алдалгүй тогтоов. Өнөө энэ арга хэмжээ эхний үр дүнд хүрч, нааштай байдал бий болсон байна.

     Хүмүүсийн анхаарлыг маш их татаж байгаа Олон улсын валютын сангийн байгууллагын хөрөнгө мөнгийг нэмэгдүүлэх талаар энэ дээд хэмжээний уулзалт зохицуулалт хийх эсэх талаар, хөрөнгө мөнгөний аюулгүй байдлыг баталсан болон зүй зохистой үр ашигтай байх угтвар нөхцөлд Олон улсын валютын сангийн байгууллагын хөрөнгө мөнгийг нэмэгдүүлэхийг Хятад улс сайшааж, талуудтай хамтаар хөрөнгө мөнгө хуримтлуулах арга хэлбэрийг нааштай хайхын хамт чадлынхаа хирээр хувь нэмэр оруулахад бэлэн байна гэж Хятадын засгийн газар сүүлийн үед олон удаа илэрхийлсэн байна. \Цэцэн, Г. Сайн-Өлзий орчуулж, хянав.\