Лондонд банк санхүүгийн дээд хэмжээний уулзалт болохын өмнөхөн 1-ний өдөр зарим орнуудын удирдагчид уг уулзалт амжилтад хүрч, банк санхүүгийн хямралын нөлөөг багасгах ба шударга, зүй зохистой олон улсын банк санхүүгийн системийг байгуулахад хувь нэмэр оруулахыг хүсэж байгаагаа илэрхийлсэн байна.
Америкийн ерөнхийлөгч Барак Обама Лондонд хэлэхдээ, миний уулзалтад оролцох зорилт зөвхөн Америкийн талын байр суурийг тодорхойлох төдий биш, харин бусад орнуудын дуу хоолойг "сонсох"-ын төлөө юм. Талууд адил талаа хайн сүвэгчилж адил бус талаа хүлээн зөвшөөрч, эцэстээ "өргөн хэмжээнд саналаа нэгтгэх"-ийг хүсэж байна гэжээ.
Францын ерөнхийлөгч Никола Саркоз хэлэхдээ, Лондоны банк санхүүгийн дээд хэмжээний уулзалт олон улсын банк санхүүгийн зах зээлийг журамлан удирдах зэрэг талаар "бодитой арга хэмжээ" тогтоох ёстой гэжээ.
Германы ерөнхий сайд хатагтай Ангела Меркел хэлэхдээ, Лондоны дээд хэмжээний уулзалт "дэлхийг өөрчлөх " амжилт олохыг Герман, Франц хүсэж байна гэжээ.
Энэтхэгийн ерөнхий сайд Манмохан Синх Лондонд хэлэхдээ, олон улсын банк санхүүгийн хямралын нөлөөгөөр хөгжингүй орноос хөгжиж байгаа орон руу оруулах хөрөнгө ихээр багассан юм. Иймээс энэ уулзалтаар итгэмжит зээлийн гүйлгээнд холбогдох асуудлыг зохицуулан сэргээх ёстой гэжээ. \Сарантуяа орчуулав\
Өдөр дутмын 
