Хятад улсын дарга Хү Жиньтао 1-ны өдөр Лондонд Америкийн Ерөнхийлөгч Обаматай уулзсан байна. 21-р зуунд тал бүрээр нааштай хамтран ажилласан Хятад Америкийн харилцааг хамтаар чармайн тогтоохыг хоёр тал санал нэгтэй зөвшөөрсөн бөгөөд Хятад Америкийн стратеги хийгээд эдийн засгийн яриа хэлцлийн мехнизим тогтоохыг зөвшөөрсөн байна. Энэхүү мехнизмийг тогтоохоор хоёр орны удирдагчийн шийдсэн явдлыг олон салбарынхан дэмжиж байхаа илэрхийлсэн бөгөөд энэ уулзалт нь нааштай ач холбогдолтой юм гэж үзсэн байна.
Америкаас Хятад улсад суугаа элчин сайд Винстон Лорд хэлэхдээ, Америк Хятад стратегийн эдийн засгийн яриа хэлцлийн мехнизим тогтоохоор болсон нь хоёр орны удирдагч жич хоёр орны харилцаа Обамагын засгийн эрхэнд орсон эхний үед сайн сайхан эхлэлтэй болсныг харуулж байна гэжээ. Хятадын асуудлаарх Америкийн нэрт эрдэмтэн, Броокингс институтын уригдсан ахлах ажилтан Кеннет Лебертхай хэлэхдээ, хоёр орны тэргүүн нарын уулзалт нь алсын хараатай болсон бөгөөд өргөн хүрээтэй сэдэв хэлэлцэж, хоёр орон болон дэлхийд бүр маш чухал ач холбогдолтой болсон гэжээ. Америкийн худалдааны нийгэмлэг мэдэгдэл нийтэлж, Америк Хятадын стратеги хийгээд эдийн засгийн яриа хэлцлийн мехнизим нь зарим зангилаагийн салбар дах хоёр орны хамтын ажиллагааг хөгжүүлж, хоёр талын хөрөнгө оруулалт болон худалдааг өргөтгөхөд тус болж, худалдааны ивээх үзэлд хамтаар хандах болон бүх дэлхийн худалдааны тэнцүүр алдсан асуудлыг зохицуулахад тус болох юм гэж үзсэн байна. \Пэрлаймаа орчуулав\
Өдөр дутмын 
