Хятадын хөдөө тосгоны үндсэн байдал илт сайжирсан байна

     4 жилийн турш, Хятадын социалист шинэ хөдөө тосгоны байгуулалт илт амжилтад хүрч, хөдөө тосгоны үндсэн байдал илт сайжирсан байна гэж Хятадын хөдөө тосгоны байгуулалтын ажлг гол хариуцсан албаны хүн ноён Чэнь Шивэнь 4-ний өдөр Бээжинд илэрхийлжээ.

     Ма Яньлинь бол Хятадын баруун хойд нутгийн Ганьсу мужийн нэгэн эгэл жирийн тариачин юм. Түүний сууж байгаа Дапин тосон нь ус их дутагдаж байгаагаар нэрт гарсан юм. 2006 оноос эхлэн тосгоны айл өрх бүхэнд борооны усыг хуримтуулан авах усан зоорь байгуулж, борооны усыг газар доорх усны нөхвөр болгосноор, тосгоны иргэд болон малын ундны усны асуудлыг зохицуулсан байна. Ма Яньлинь сурвалжлагчид хэлэхдээ:

     "Усан зоорь байгуулснаар манай уулархаг районд ихээхэн тус болж байна. Бид өнгөрсөнд уулан гууд хүрч ус авч байсан, дараа нь газар доорх ус бага болсноор, хүн малын ундны усыг зохицуулахад ихээхэн асуудалд тулгарсан. Одоо бид өөрөө усан зоорьтой болсноор их дөхөм болсон" гэжээ.

     Усан зоорьтой болсноор тариачдын амьдралд их дөхөм болжээ. Хэрэг дээрээ сүүлийн хэдэн жилд Хятадын тариачдыг баярлуулсан явдал зөндөө байна. Жишээлээд хэлэхэд, хөдөө тосгоны зам сайн болж, хөдөө тосгоны байгуулалт ч шинжлэх ухаанч төлөвлөгөөтэй болж, тариачны үр хүүхэд, гэр бүл нь ядуу амьдралын улмаас сургууль завсардана гэж зовох хэрэггүй болсон, настайчууд өвчин үзүүлэхдээ хотын хүнтэй нэгэн адил эм эмнэлгийн баталгааны үндсэн тогтолцоонд хамрагдаж, тал хувийн мөнгө төгрөгийг улс орноос гарган өгдөг болсон зэрэг байна.

     4-ний өдрийн Төрийн Зөвлөлийн Хэвлэл мэдээллийн албыы хийлгэсэн хэвлэлийн бага хурал дээр, Хятадын хөдөө тосгоны байгуулалтын ажлыг гол хариуцсан албаны хүн, Төвийн хөдөө тосгоны ажлын удирдлагын группийн тамгын газрын дарга Чэнь Шивэнь хөдөө тосгоны өөрчлөлтийг ингэж дүгнэн хэлсэн юм.

     "Энэ хэдэн жилд манай хөдөө тосгоны бүтээгдэхүүн үргэлжлэн нэмэгдсэнийг бид харж болно. Энэ нь үйлдвэрлэлийн хөгжилтийг найдваржуулж, амьдрал чинээлэг болсныг харуулж байна. Хөдөө тосгонд энэ хэдэн жилд дэд бүтцийн байгуулалт ихээр хийснээр, хөдөө тосгоны нийгмийн үйлст улс орны дэмжлэг эрчимжиж, тариачдын орлого нэмэгдсэн зэргээс болж, хөдөө тосгоны оршин суугчдын идэж өмсөх, явж суух зэрэгт бүр ихээхэн өөрчлөлт гарсан" гэж тэр тэмдэглэжээ.

     Эдгээр өөрчлөлт нь Хятадын төв болон орон нутгийн Засгийн газраас тариачдад туслан, хөдөө аж ахуйг дэмжих бодлого хэрэгжүүлж, социалист шинэ хөдөө тосгон байгуулах бодлоготой нягт холбоотой юм. 2005 онд Хятад улс социалист хөдөө тосгоныг байгуулахыг идэвхтэй тогтвортой ахиулахаар дэвшүүлсэн байна. Энэ нь даруй хөдөө тосгоны эдийн засгийн байгуулалт, улс төрийн байгуулалт, соёлын байгуулалт, нийгмийн байгуулалт тэрчлэн хөдөө тосгоны үндсэн шатны байгууллагын байгуулалтыг тал бүрээр ахиулж эхэлсэн байна.

     Шинэ хөдөө тосгоны байгуулалтыг хэрэгжүүлж эхэлснээс нааш, Хятадын Засгийн газар холбогдох бодлого арга хэмжээнүүд авсан байна. 2006 онд Хятад улс 2000 гаруй жил хэрэгжүүлж ирсэн тариалангийн татварыг цуцалж, үүнээс болж одоо болтол тариачдын дарамтыг 160 тэрбум юанийн хөнгөлсөн байна. Үүнээс гадна, татварын дараасыг хөнгөлөхийн зэрэгцээ, Засгийн газраас бас тариачдын үр тариа тарих, тариан үр худалдан авах, тариалангийн хэрэгсэл худалдан авах зэрэгт шууд нөхвөр олгож, шинэ хөдөө тосгоны байгуулалтаас шууд ашиг хүртээсэн байна.

      Шинэ хөдөө тосгоны байгуулалт үр дүнд хүрсэн хэдий ч, Хятад улс 950 сая тариачинтай тул, шинэ хөдөө тосгоны байгуулалт бас бага бус асуудалд тулгарч байна. Шинэ хөдөө тосгоны байгуулалт нь урт хугацааны үйл явц болно, их хүчээр ахиулах шаардлагатай гэж Чэнь Шивэнь илэрхийлсэн байна. \Гэрэлт орчуулав\