Хятадын үндэстний баярын цэргийн парад олон төрлийн хамгийн шинэ зүйлийг бүтээх болно

     Энэ оны 10-р сарын 1 бол шинэ Хятад улс байгуулагдсаны 60 жилийн ойн тэмдэглэлт өдөр мөн. Энэ өдөр Бээжингийн Тянь Аньмэний талбайд өргөн их тэмдэглэх ажиллагаа явуулна. Тэмдэглэх ажиллагааны чухал бүрэлдэхүүний хувьд цэргийн парад нь Хятадын цэргийн хүчний хөгжлийг гол харуулах болохоор яриангүй дэлхий нийтийн анхаарлыг татаж байна. Саяхан манай сурвалжлагч Бээжингийн хол дүүрэгт байрлаж байгаа цэргийн парадын тосгонд анх удаагаа очиж, энэ удаагийн цэргийн парад нь өнгөрсөн удаа бүрийн парадтай харьцуулбал ямар ямар шинэ сонирхолтой зүйлүүдийг үзүүлэх тухай ойлгосон юм.

     Бээжингийн зүүн дүүргийн Түнжөүгийн цэргийн парадын тосгон бол үндэстний баярын цэргийн парадын тоног төхөөрөмжийн хайрцгуудын төвлөрүүлэн дасгалжих газар юм. Тоног төхөөрөмжийн хайрцгуудын командлах газрын орлогч командлагч Зөү Юньмин танилцуулж, хэлэхдээ, энэ удаагийн үндэстний баярын парадын тоног төхөөрөмж нь шинэ Хятад улс байгуулагдсанаас хойш болсон удаа бүрийн цэргийн парадад тоног төхөөрөмжөөр хамгийн олон, хамгийн өргөн цар хэмжээтэй нь болно гэжээ.

     Тэрээр хэлэхдээ, Цэргийн парадад харуулах тоног төхөөрөмжийн хувьд , нийт армийн олон цэргийн агийн эх орондоо үйлдвэрлэсэн хамгийн шилдэг тоног төхөөрөмж болно. Тоо, цар хэмжээ, мэдээлэлжүүлэлтийн талаас бүр цоо шинэ төвшинд хүрсэн, дэлхийн хөгжсөн орны төвшинд хүрсэн юм уу түүнээс давсан байна. Парадад оролцох цэргийн ангийн байгуулалтын онцлогоос харахад "гурван олон" онцлогтой, нэгд сайн сайхан уламжлалтай, хоёрт, гавьяа олон байгуулсан түүхтэй, гуравт, их олон үүрэг биелүүлж гүйцэтгэсэн түүхтэй юм гэжээ.

     Тоног төхөөрөмжийн хайрцгуудтай харьцуулбал, Бээжингийн хойд дүүргийн Шахэгийн цэргийн парадын тосгонд дасгалжиж байгаа явган цэргийн хайрцгууд нь мөн маш гарамгай байлаа. Явган цэргийн эгнээний командлах газрын командлагч Гүө Жигангийн танилцуулснаас үзвэл, явган цэргийн хайрцгууд нь цаг үеийн онцлогоор тод, Хятадын армийн яруу алдарт түүх уламжлалыг харуулсан Хятадын зэвсэгт хүчний байдлыг бүх талаар харуулах болно. Өнгөрөгч хоёр удаагийн цэргийн парадтай адилтгавал явган цэргийн хайрцгууд олон шинэ сайхан өөрчлөлттэй юм гэжээ.

     Тэрээр хэлэхдээ, явган цэргийн хайрцгуудаас харахад, үндэсний баярын 50 жилийн ойг тэмдэглэх цэргийн парадтай харьцуулбал хүний тоо ялимгүй багасгасан хэдий ч цэргийн төрөл зүйл нэн бүрэн болж, хайрцгуудыг нэн зохицонгуй чадварлаг зохион байгуулав. Үүнд тусгай хүчний ангийнхан анх удаагаа гялалзсан төрхөөр илэрнэ. Цэргийн парадад оролцох хүний хувьд, дийлэнх олонх нь 80, 90-ээд оноос хойш төрсөн залуус байж, өндөр боловсролтой, өргөн мэдлэгтэй, олон арга туршлагатай хүмүүс юм гэжээ.

     Энэ удаагийн цэргийн парадад, Агаарын цэргийн нисэх хүчний эгнээ нисэх онгоц жолоодон цэнхэр огторгуйгаар нислэг хийх нь Тянь Аньмэний талбайн агаар огторгуйн хамгийн гялалзсан үзмэр болно. Хятадын Агаарын цэргийн Улс төрийн газрын Суртал ухуулгын хэлтсийн орлогч дарга Шюй Хүйдүн танилцуулж хэлэхдээ, болж өнгөрсөн цэргийн парадтай харьцуулбал, энэ удаагийн цэргийн парадын агаарын цэргийн нисэх хүчин таван шинэ онцлогтой гэжээ.

     Нэгдүгээр онцлог нь , цар хэмжээгээр их, цэргийн төрөл зүйлийн бүрэлдэхүүн, эгнээний цар хэмжээ, оролцох нисэх онгоцны тоогоор бүр удаа бүрийн үндэстний баярын цэргийн парадаас ихээхэн давах болно. Хоёрдугаар онцлог нь шинэ, тоног төхөөрөмж шинэ, оролцох хүмүүс нь шинэ. Гуравдугаар онцлог нь шилдэг, оролцох цэргийн анги нь цөмөөрөө агаарын цэргийн шилдэг хүчин юм. Дөрөвдүгээр онцлог нь ихээхэн хүндрэл бэрхшээлтэй. Олон зүйлийн хүчнээс бүрэлдсэн холимог эгнээ тул зохицонгуй дасгал хийхэд ихээхэн бэрх байдаг. Тавдугаар онцлог нь чанга, хатуу чанга шаардлагатай байдаг гэжээ.

     Өнөө үндэстний баяр болоход хориод хоногийн зай байна. Цэргийн парадад оролцох цэргийн ангийнхан яаралтай дасгалжиж байна. 10-р сарын 1-ний өдөр тэд Хятадын орчин үеийн цэргийн ангийн дүр төрхийг цог бадрангуй хамгийн сайхан илрэлээр дэлхийн нийтэд харуулахыг хүмүүс хүсэн хүлээж байна. \Урангоо орчуулав\