Хятадын соёлын аж үйлдвэрийн улс ардын аж ахуйн өсөлтөд оруулах нэмэр хандив байнга дээшилж байна

         Шинэ Хятад улс байгуулагдсан 60 жилийн турш, Хятадын соёлын зах зээл болон соёлын аж үйлдвэр байхгүйгаасаа байх болж, ялангуяа сүүлийн 30 жилд ирмүүн хөгжиж, нэгдэлтэй, нээлттэй, өрсөлдөх чадалтай, дэг журамтай соёлын зах зээлийн системийг үндсэндээ бүрэлдүүлж, төрөл бүрийн соёлын аж ахуйн нэгжийн бодит хүчин болон өрсөлдөх хүчин байнга эрчимжиж, гадаадын хөрөнгөнд нээлттэй байх хэмжээгээ аажим аажмаар нэмэгдүүлж, Хятадын соёлын аж үйлдвэрийн улс ардын аж ахуйн өсөлтөд оруулсан нэмэр хандив байнга дээшилж байна гэж Хятадын Соёлын Яамны сайд Цай-Ү 14-ний өдөр Бээжинд хэлсэн байна.

         Мөн өдөр Цай-Ү Төрийн Зөвлөлийн хэвлэлийн албан хийлгэсэн мэдээ нийтлэх хурал дээр хэлэхдээ, Хятадын соёлын хөгжил өнөө түүхийн хамгийн сайн үеийнхээ нэгд байна. Шинэ Хятад улс байгуулагдсан 60 жилийн турш, ялангуяа 1978 онд, өөрчлөлт хийж нээлттэй байлгах бодлого хэрэгжүүлснээс хойш, төрөл бүрийн соёлын байгуулалт хүмүүсийн анхаарал татсан амжилт олж, хот хөдөөг бүрхсэн олон нийтийн соёлын үйлчилгээний сүлжээг анх алхам байгуулж, соёлын өвийг хамгаалах ажил дэлхийн тэргүүн эгнээнд орж, 160 гаруй улс орон газар нутагтай соёлын солилцооны сайн сайхан харилцааг тогтоож, ялангуяа соёлын аж үйлдвэр хөгжүүлэх талаар, байхгүйгаасаа байх болсон асар их өөрчлөлтийг өнгөрүүлсэн байна гэжээ.

         Өөрчлөлт хийж нээлттэй байлгахаас өмнө Хятад улсад соёлын зах гэж байгаагүй, Соёлын аж үйлдвэрийн ухагдахуун ч байгаагүй юм. Учир нь тухайн үед төлөвлөгөөд эдийн засгийн тогтолцоо байсан тул юм. Өөрчлөлт хийж нээлттэй байлгасан 30 жилийн турш, Хятадын соёлын зах зээл байхгүйгаасаа байх болж, өнөө нэгэнт соёл цэнгүүний зах зээл, тоглолтын зах зээл, дүрс дуу бичиглэлийн зах зээл, киноны зах зээл, сүлжээний соёлын зах зээл, урлагийн бүтээгдэхүүний зах зээл зэргээр бүрэлдсэн нэгдэлтэй, нээлттэй, өрсөлдөх чадалтай, дэг журамтай соёлын зах зээлийн тогтолцоог үндсэнд нь бүрэлдүүлсэн байна гэжээ.

         Анх алхмын бүртгэлээс үзвэл, 2007 оны сүүлч гэхэд Хятадын соёлын системийн салбарын удирдлага дор байгаа эрхлэлтийн чанартай соёлын байгууллага 320 мянгад хүрчээ. Соёлын аж үйлдвэрийн тоо нэмэгдэхийн хирээр сүүлийн хэдэн жилд бүх Хятадын соёлын аж үйлдвэрийн өсөлтийн хурд 17 хувь гаруйгаар нэмэгдэж, адил хугацааны дотоодын үйлдвэрийн нийт бүтээгдэхүүний өсөлтөөс 6-8 хувь илүү болж, хөгжсөн зарим нутаг районд соёлын аж үйлдвэр нэгэнт эдийн засгийг хөгжүүлэх тулгуур хүчний нэг болсон байна.

         Иргэдийн хөрөнгө болон гадаадын хөрөнгийн соёлын салбарт орох халуун урам зориг сүүлийн жилүүдэд нэмэгдсээр байна. Цай-Ү хэлэхдээ, соёлын зах зээлийн өөрчлөлт нь эдийн засгийн өөрчлөлтийн амжилттай туршлагаас сурч, засгийн газар нь төрөл бүрийн нийгмийн хөрөнгийн соёлын зах зээлд орохыг урамшуулан жолоодсон байна гэжээ.

         Зах зээлийн нөхцөл байдалд, иргэний эрхлэлттэй соёлын аж ахуйн нэгж болон төрийн өмчийн аж ахуйн нэгжид адил тэгш хандаж, шударга өрсөлдөх, соёлын зах зээлийг хөгжүүлэх, соёлын бүтээгдэхүүнийг нэмэгдүүлэхэд үр ашигтай баталгаа хангасан байна. Өнөө соёлын салбаруудын гол удирдаж байгаа тоглолт гаргах, соёл цэнгүүний, урлагийн бүтээгдэхүүн, сүлжээний соёл, хүүхэлдэйн болон шог зургийн тоглоом зэрэг салбарт дотоодын төрийн өмчийн бус хөрөнгийн тал бүрээр оролцож, бүх явцад нь нээлттэй байхыг үндсэнд нь биелүүлсэн байна. Цөөн тооны салбарыг гаргавал, гадаадын хөрөнгөнд үндсэнд нь нээлттэй болгосон байна гэлээ.

         Цай-Ү хэлэхдээ, Хятадын соёлын тогтолцооны өөрчлөлтийн зорилт бол өрсөлдөх хүчинтэй аж ахуйн нэгжийг бэлтгэн хүчирхэгжүүлж, нөлөөлөх хүчинтэй соёлын бүтээгдэхүүнийг бий болгож, ард олны өдөр тусам нэмэгдэж байгаа соёлын шаардлагыг хангахын төлөө юм. Гэвч энэ үйл явцад цөөн бус бэрх асуудал нүүрлэж байна. Ялангуяа чадалтай хүмүүс хомсдож байна гэжээ./Пэрлаймаа, Анар орчуулав/