Лүн Юнтү Хятадын эдийн засгийн хөгжлийн тухай үзэлтээ тодорхойлон өгүүлэв

     Бө-Аогийн Азийн чуулга уулзалтын олон улсын хөрөнгийн асуудлаарх дээд хэмжээний 2-р бага хурал 15-ны өдөр Их Британийн Лондонд ажлаа эхэлсэн байна. Чуулга уулзалтын ерөнхий нарийн бичгийн дарга Лүн Юнтү 15-ны өдөр дотоод гадаадын сэтгүүлчдэд ярилцлага өгч, Хятадын эдийн засгийн хөгжил, Хятадын аж ахуйн нэгжийн хөгжлийн стратеги зэрэг асуудлаар үзэл бодлоо ярьсан байна.

     Энэ удааны дээд хэмжээний бага хурлын нээлт нь олон улсын банк санхүүгийн хямрал гарсан нэг жилийн ойн үеэр болж байна. Лүн Юнтү банк санхүүгийн хямралаас Хятадын эдийн засгийн өөрчлөлтөд үзүүлсэн нөлөөний тухай ярих үед хэлэхдээ, энэ удааны банк санхүүгийн хямралаас хойш Хятадын эдийн засаг нь өнгөрсөндөө экспортоор гаргахад нэлээд их түшиглэж байснаасаа аажмаар дотоодын эрэлт хэрэгцээндээ түшиглэх тогтолцоонд шилжиж, улмаар хэлбэрэлтгүй хөгжлийг биелүүлсэн байна гэжээ. Тэрээр цааш нь хэлэхдээ,

     "Өнгөрсөн олон жилийн турш, манай импорт, экспортын GDP -д үзүүлсэн нэмэр хандив нь 23 хувьд л хүрч байсан юм. Энэ нь одоогийн шатны Хятадын эдийн засгийн хөгжлийн төвшнөөс үзвэл, нэлээд зүй зохистой юм. Гэвч банк санхүүгийн хямралын дараа, манай импорт экспортын GDP -д үзүүлэх нэмэр хандивын хэмжээ 15-20 хувийн төвшинд хүрч чадвал, энэ нь хүлээн авч болох төвшин болох юм. Хэдийгээр бага сага хасагдсан боловч, миний үзэхээр, экспорт нь Хятад улсад мөн чухал байгаа юм. Учир нь, экспорт нь зөвхөн Хятад улсад ашигтай зүйл төдий биш юм. Хэрэг дээрээ Хятадын экспорт нь мөн бусад оронд туслан, тэр орны дотоодын үйлдвэрлэл буюу үйлдвэрлэлийн үр ашиг тааруухан бүтээгдэхүүнийг шийдвэрлэн өгч байгаа юм. Үүнийг олон улсын худалдааны хувьд бас сайн хэрэг болох юм. Тиймээс Хятадын экспортын хэмжээ нэмэгдсэн нь муу хэрэг гэж хэлж болохгүй. Үнэн хэрэг дээрээ, Хятадын экспорт нь бүх бөмбөрцгийн эдийн засгийн өсөлтөд маш их нэмэр хандив оруулж байгаа болно" гэжээ.

     Лүн Юнтү хэлэхдээ, дотоодын зах зээлээ нээлттэй байлгахын зэрэгцээ, Хятад улс бас стратегийн чанартай нэн олон хөрөнгө оруулалт оруулах болно гэжээ.

    "Өнгөрсөн хэдэн жилийн байдлаас үзвэл, Хятад улсад гадаад орнууд стратегийн чанартай хөрөнгө оруулахыг Хятад улс сайшааж ирсэн. Мөн адилхан, манай Хятад улс ч бусад орны банк болон даатгалын байгууллагад стратегийн чанартай хөрөнгө оруулалт хийж байна. Ингэх нь стратегийн чанартай хөрөнгө оруулалтын үйл явцад харилцан оролцож болох бөгөөд энэ нь банк санхүүгийн даяарчлал болон Хятадын банк санхүүгийн байгууллагуудын бүх дэлхийн банк санхүүгийн байгууллагатай нягт харилцаа тогтооход маш чухал ач холбогдолтой явдал болох юм гэж" Лүн Юнтү хэлсэн байна.

     Үүний зэрэгцээ, Лүн Юнтү Хятадын аж ахуйн нэгжийн олон улсын чанартай хавсарган нэгтгэх болон бэлтгэн нийлүүлж худалдан авах талаар болгоомжтой байр суурь авч байна. Ерөнхий байдлаас нь авч хэлбэл Хятадын аж ахуйн нэгж их хэмжээгээр дэлхийд гарч хавсарган нэгтгэж худалдан авах цаг эрин боловсронгуй болоогүй байна. Хятадын маш олон аж ахуйн нэгж бүрэн бэлтгэл хийж амжаагүй байна гэж тэрээр үзсэн байна.

     Сая та бүхэнд Лүн Юнтү Хятадын эдийн засгийн хөгжлийн тухай өөрийн үзэл бодлоо тодорхойлон өгүүлсэн тухай дотоодын цаг үеийн мэдээлэл сонсголоо. \Пэрлаймаа орчуулав.\