Хятад улс "Хятадын үндэстний бодлого болон үндэстнүүдийн хамтын хөгжил цэцэглэлт хөгжил"-ийн цагаан номыг нийтэлжээ

     Хятадын Төрийн зөвлөлийн хэвлэлийн алба 27-ны өдөр "Хятадын үндэстний бодлого болон үндэстнүүдийн хамтын хөгжил цэцэглэлт хөгжил"-ийн цагаан номыг нийтэлжээ. Цагаан номд тэмдэглэхдээ, Хятадын үндэстний бодлого нь Хятадын байдалд нийцэж байна, үндэстнүүдийн ард түмний үндсэн ашиг сонирхолд нийцэж байна, олон үндэстний ард түмний сайшаалыг олсон бөгөөд зөв оновчтой үр ашигтай байхыг практик гүйцэд нотолсон юм гэжээ.

     Цагаан ном нь нийт 20 мянга гаруй үсэгтэй, 9 бүлэгт хуваагдан, Хятадын үндэстнүүдийн хөгжлийн үйл явц, үндэстний бодлого тэрчлэн шинэ Хятад улс байгуулагдсан 60 жилийн турших үндэстний цөөнхүүд болон үндэстний районы эдийн засаг, соёл, нийгмийн хөгжлийн талаар олсон асар их олонт амжилтыг системтэй танилцуулжээ.

     Хятадын үндэстний хэрэг эрхэлсэн улсын хорооны дарга Ян Жин хэлэхдээ, "шинэ Хятад улс байгуулагдсан эхний үед, Хятадын Засгийн газар ХКН-ын үндэстний асуудлыг зохицуулсан туршлагыг гүнзгий дүгнэсний үндсэнд, үндэстнүүдийн эрх тэгш, үндэстнүүдийн эв найрамдал болон үндэстний районы өөртөө засах тэрчлэн, олон үндэстний хамтын хөгжил цэцэглэлтээр гол агуулга болгосон үндэстний бодлогыг тогтоосон юм " гэжээ.

     Уг цагаан номд тэмдэглэхдээ, үндэстний цөөнх болон үндэстний районы эдийн засаг нийгмийн хөгжлийг түлхэн ахиулах явдлыг Хятадын Засгийн газар Хятадын үндэстний асуудлыг зохицуулах үндсэн арга зам болгосоор иржээ. Олон жилийн турш Хятад улс адил бус шат үед, үндэстний цөөнх болон үндэстний районы хөгжлийн бодитой байдлын дагуу, бодлого, хөрөнгө мөнгө, чадварт ан, техникийн талаар үндэстний цөөнх болон үндэстний районы хөгжлийг дэмжсээр ирсэн юм гэжээ.

     Ян Жин танилцуулж хэлэхдээ, "үндэстний тухай бодлогод дэд бүтцийн байгуулалтын төслийг урьдчилан зүй зохистойгоор тохируулах, санхүүгийн талаар дэмжлэг үзүүлэх, экологийн байгуулалт болон байгаль орчныг хамгаалахыг чухалд үзэх, үндэстний цөөнхийн ядуу нутагт туслалцаа үзүүлэх, гадаадад нээлттэй байлгахад тус дөхөм үзүүлэх, хөгжингүй районыг зохион байгуулж үндэстний цөөнхийн районд туслуулах, мөн үндэстний цөөнхүүд болон үндэстний районы үйлдвэрлэл амьдралын онцгой шаардлагад харгалзаа үзүүлэх зэрэг багтаж байна. Шинэ зууны эхэнд Хятадын Засгийн газар баруун бүсийг нээн хөгжүүлэх стратегийг хэрэгжүүлсэн юм, гол нь баруун бүсийн үндэстний цөөнхийн районд чиглүүлсэн явдал мөн гэжээ ".

     Эдгээр бодлого арга хэмжээг хэрэгжүүлснээр, үндэстний районы эдийн засаг нийгмийн хөгжлийг ихээр ахиулж, үндэстнүүдийн ард түмний амьжиргааны төвшин илэрхий дээшилжээ. Өвөр Монголын өөртөө засах районы эдийн засгийн өсөлт нь 7 жил дараалан Хятадын тэргүүнд байранд орж, Шинжяны уйгарын өөртөө засах районы эдийн засгийн хөгжил 6 жил дараалан хоёр оронт тоогоор нэмэгджээ. Төвдийн өөртөө засах районы үйлдвэрлэлийн нийт хэмжээ нь 1959 оныхоос 66 дахинаар нэмэгдсэн байна. Хятадын үндэстний районы ядуу хүн амын тоо 1985 оны 40 сая гаруй гаас 2008 оны 7 сая 700 мянга гаруй хүртэл хасагджээ.

     Үүнээс гадна, Хятадын Засгийн газрын хэрэгжүүлсэн олон арга хэмжээний дагуу үндэстнүүдийн шилдэг соёлын өв уламжлагдан дэлгэрч, олон үндэстний ард түмний шашин шүтэх эрх чөлөө болон шашны хэвийн ажиллагаа нь гүйцэд хамгаалагджээ. Хятадын үндэстний цөөнхийн районы нийгэм эдийн засгийн хөгжил түүхийн хамгийн сайн үе шатандаа орсон юм.

     Хятадын хэрэгжүүлж байгаа үндэстний тухай бодлого нь үндэстнүүдийн ард түмний үндсэн ашиг сонирхолд нийцэж, зөв оновчтой бөгөөд үр ашигтай байгааг 60 жилийн практик гүйцэд нотолсон юм гэж Ян Жин илэрхийлжээ.

     Хятадын Засгийн газар үндэстнүүдийн эв найрамдал хөгжлийг ахиулахаар хүчлэн чармайж, үндэстний эв найрамдлыг эвдэх ба үндэстнийг хагалан бутаргах ажиллагааг хориглон, аливаа гадаадын хүчний "үндэстэн" "шашин" "хүний эрх"-ийн тугийг өргөж, Хятадын үндэстний асуудалд хөндлөнгөөс оролцохыг эрс эсэргүүцэх болно. Дотоод гадаадын террорист хүчин, хагалан бутаргах хүчин, хэд даврагч хүчин Хятадад нэвчилт эвдлэг хийхийг Хятадын засгийн газар чанд сэргийлэн, хуулийн дагуу цохилт өгөх болно гэж цагаан номд тэмдэглэжээ. \Урьхан орчуулж, Пэрлаймаа хянав. \