Шинэ Хятад Улс байгуулагдсан 60 жилийн ойн баярт зориулсан том хэлбэрийн уран сайхны үдэшлэг Бээжинд болов

      "Мөнхийн эх орон-БНХАУ байгуулагдсан 60 жилийн ойн баярт зориулсан том хэлбэрийн уран сайхны үдэшлэг" 29-ний өдөр Бээжинд болов. ХКН-ын төв хорооны улс төрийн товчооны байнгын гишүүн Ли Чанчүнь тоглолтыг сонирхсон байна.

      Үдэшлэг гурван хэсгээс бүрдсэн байна. Оршил хөгжим "Цэцгэн бэлэгдэл"-ийн аялгуунд үдэшлэг нээгдэж, Сүн Зү ин, Лю Дэхуа зэрэг нэрт дуучид болон жүжигчид сэтгэл сэргэм сонгодог дуунуудыг дуулж, шинэ Хятад Улс байгуулагдсан 60 жилийн турш ХКН Хятадын ард түмнийг удирдаж бүтээсэн аугаа амжилтыг магтан дуулсан байна. Монгол, уйгар, жуан, хотон, төвд үндэстний дуучид жүжигчид "Арван сарын магтаал" гэх дуу бүжгээр үндэстнүүдийн ард түмний эх орноо хайрлан ерөөж байгаа хамтын сэтгэлийг илтгэж, Хятадын үндэстнүүдийн "Өнөр өтгөн их гэр бүл, эесэг зохицонгуй дотно сэтгэл"-ийг бэлгэдэн ерөөсөн байна.

     Үдэшлэг нь "Эх орноо дуулъя" найрал дуугаар оргилдоо хүрсэн байна. /Ч.Гантөмөр орчуулав/