Олон улсын банк санхүүгийн байгууллагын жил тутмын 2 ээлжит хурал нь хямралтай тэмцэх аятай нөхцөл бий болгожээ

     2009 оны Олон улсын валютын сангийн байгууллага болон Дэлхийн банкны жил тутмын хурал 6-ны өдөр Туркийн хамгийн том хот Истанбулд ажлаа эхлэв. Энэ хоёр хурлыг дэлхийн эдийн засаг банк санхүүгийн хямралд хүчтэй өртсөний дараа дахин сэргэх хандлага гарч буй чухал үед хуралдуулж байгаа бөгөөд Олон улсын валютын сангийн байгууллагын хямралыг зохицуулах явцад гүйцэтгэсэн үүрэг улам ил тод болж байгаа учир, энэ хоёр хурал нь нааштай ололт амжилтад хүрч, дэлхийн эдийн засгийн хойшид өөдлөн сэргэхэд үндсэн суурь тавьж өгөхийг олон талууд хүсэл эрмэлзлээ тавин хүлээж байна.

     Энэ хоёр ээлжит хурлаар Дэлхийн банк болон Олон улсын валютын сангийн дэлхийн эдийн засагт гүйцэтгэх үүрэг, манай гарагийн банк санхүүгийн хямрал жич түүнтэй тэмцэх арга, манай гарагийн банк санхүүгийн тогтолцоог дахин байгуулах зэрэг асуудлыг голчлон авч хэлэлцэх болно. 6-ны өдөр 180 гаруй эдийн засгийн цогцолборын сангийн сайд, Төв банкны ерөнхийлөгч болон эдийн засгийн салбар дахь эрдэмтэн мэргэжилтэн нийт 10 мянга гаруй хүн хурлын нээлтийн ёслолд оролцов. Нээлтийн ёслол дээр хурлыг даргалагч орон Туркийн Ерөнхий сайд Ердоган, энэ хурал нь бүх бөмбөрцгийн эдийн засгийн тэнцүүргүй асуудлыг голчлон зохицуулахыг уриалсан байна. Дэлхийн банкны Ерөнхийлөгч Роберт Зоеллиск, хөгжиж байгаа орнуудын дэлхийн банканд санал оруулах харьцааг 50 хувьд хүртэл нэмэгдүүлэхийг уриалсан байна. Хамтаар өрсөлдөөнтэй тэмцэж, бүх бөмбөрцгийн хамтын ашиг сонирхлын төлөө чармайх хэрэгтэй гэж Олон улсын валютын сангийн байгууллагын Ерөнхийлөгч олон оронд хандан уриалжээ.

     Эдийн засгийн сэргэлтийн явцад дэлхийн эдийн засгийн эрүүл саруул тогтвортой хөгжлийг хэвээр байлгах бол энэ удаагийн хоёр ээлжит хурлын хамгийн том чухал үүрэг нь юм. Олон улсын валютын сангийн байгууллага нь тус сарын 1-ний өдөр "Дэлхийн эдийн засгийн хэтийн төлөвийн тайлан"-ы шинэ дугаарыг нийтлүүлж тэмдэглэхдээ, олон орны авч байгаа олон нийтийн өргөн далайцтай оролцолго нь хэрэгцээг дэмжиж, банк санхүүгийн зах зээлийн тогтворгүй чанар болон системт чанарыг эрсдэлээс хамгаалж, дэлхийн эдийн засагт сэргэх хандлага гарсан байна. Гэвч банк санхүүгийн тогтолцоо нь эрүүл саруул байдалдаа ороогүй байж, эдийн засгийн сэргэлтийн явц маш удаан байх болно. Ирээдүйн эдийн засгийн хандлагад хүлцтэй бөгөөд сэрэмжтэй байж, ялангуяа эдийн засгийг урамшуулах тухай холбогдох бодлогыг хэт түргэн цуцлахгүй байх хэрэгтэй юм гэжээ.

     Энэ хоёр ээлжит хуралд оролцож байгаа Хятадын Сангийн яамны сайд Ше Шюйрэнь 6-ны өдөр, хөгжиж байгаа улс орны урт хугацааны хөгжилд нэн их хөрөнгө мөнгө олгохыг Дэлхийн банканд уриалсан байна. Ше Шюйрэнь хэлэхдээ, Дэлхийн банк нь ядуурлыг буруулах ба хөгжлийг баримтлан түүнийг эрчимжүүлж, хөгжиж байгаа улс оронд хөрөнгө мөнгө болон техникийн туслалцаа олгохыг гол үүрэг хариуцлагаа болгох хэрэгтэй, Дэлхийн банк нь хөрөнгө мөнгийг хангалттай байлгаж, хөгжиж байгаа орнуудад хөрөнгө мөнгөний туслалцаа олгох эрчээ нэмэгдүүлэх хэрэгтэй гэжээ.

     Үүнээс гадна, Олон улын валютын сангийн байгууллага болон Дэлхийн банк хэмээх олон улсын банк санхүүгийн энэ хоёр том байгууллагын тус биеийн өөрчлөлтийн асуудал нь ч энэ удаагийн жил тутмын хурлын хамгийн анхаарал татсан сэдвийн нэг нь байгаа юм. 2008 онд Олон улсын банк санхүүгийн хямрал гарч, нэг үе чимээ аниргүй болсон Олон улсын валютын сангийн байгууллагын байр суурийн тасралтгүй дээшилж ирлээ. Гэвч бүх бөмбөрцгийн эдийн засгийн хямралын дараа, дэлхийн эдийн засгийн тогтолцоо өөрчлөлт гарч, шинээр мандсан эдийн засгийн цогцолборууд хүчирхэгжин бузгайрч, Олон улсын валютын сангийн байгуулагад үг хэлэх эрх болон санал оруулах эрхээ нэмэгдүүлэх уриан дуу ч улмаар чангарсаар байна. 2008 оны 3-р сард, Олон улсын валютын сангийн байгууллага, Хятад, БНСУ, Мексик болон Туркийг ОУВСБ-д санал оруулах эрх нь бага байсан оронд тооцогдсон байна. 6,7-ны өдөр болох энэ удаагийн хоёр ээлжит хуралд, бодитой асуудлаар энэ шийдвэрийг улам тодорхойлон тогтоох төлөвтэй байна.

     Гэвч Олон улсын банк санхүүгийн байгууллагын өөрчлөлт нь нэг л шөнийн хооронд биелэгдэх асуудал биш юм гэж задлан шинжигчид үзсэн байна./Анар орчуулж, Номин хянав/