Хятад улс сонгуулийн хуульд өөрчлөлт оруулж ардчиллыг өргөтгөх гэж байна

     Бүх Хятадын Ардын Төлөөлөгчдийн Их Хурлын Байнгын Хороо 27-ны өдөр ээлжит хурал хийж, сонгуулийн хуульд өөрчлөлт оруулах төслийг хянан хэлэлцсэн байна. Энэ нь Хятадын хууль тогтоох байгууллага 5 жилийн дараа сонгуулийн хуульд дахин өөрчлөлт оруулах байгаа нь болно. Энэ удаагийн өөрчлөлтөөр дамжин, Хятад улс хот хөдөөгийн хүн амын харьцаагаар ардын төлөөлөгчийг сонгон гаргах дүрэм хэрэгжүүлж, сонгуулийн дүрмийг боловсронгуй болгож, ардын ардчиллыг өргөтгөнө.

     Хятад улс 1953 онд сонгуулийн дүрмийг боловсруулан тогтоож, 1979 онд шинээр өөрчлөлт оруулж, хожим нь бас 4 удаа өөрчлөлт оруулсан байлаа. Энэ удаа хийх өөрчлөлт оруулах үзэл санаа, жолоодлого хөтөлбөрийн талаар, Бүх Хятадын Ардын Төлөөлөгчдийн Их Хурлын Байнгын Хорооны Хууль дүрмийн ажлын хорооны дарга, ноён Ли Шиши танилцуулан хэлэхдээ, энэ удаагийн өөрчлөлтийн гол жолоодох үзэл санаа нь ХКН-ын 17-р их хурлын шаардлагын дагуу, практик туршлагаа нэгтгэн дүгнэж, сонгуулийн дүрмийг боловсронгуй болгож, бүс нутаг болон үндэстэн бүхэн эрх тэгш байх зарчмыг нэн сайн харуулж, ард түмэн улс орныыхоо эзэн нь болох үзэл санааг хангаж, Ардын Төлөөлөгчдийн Их Хурлын дүрмийг баримтлах болон түүнийг боловсронгуй болгож, социалист ардчилсан улс төрийн хөгжүүлэхийг чанга батлах гэсэн болно гэжээ.

     2 жилийн тэртээ хуралдуулсан Ардын Төлөөлөгчдийн Их Хурал болон ХКН-ын 17-р их хурал дээр, Хятадын эрх баригч нам нь хот хөдөөгийн хүн амын тооны харьцаагаар сонгууль хийхийг алхам алхмаар биелүүлэх хэрэгтэй гэж олон удаа санаачилсан бөгөөд энэ санал нь тухайн үед олон салбарынхны дунд халуун тусгал гаргасан юм.

     Бүх Хятадын Ардын Төлөөлөгчдийн Их Хурал нь хууль тогтоох эрхт байгууллага болсны хувьд, сонгуулийн хуульд өөрчлөлт оруулах ажлыг энэ оны хууль тогтоох ажлын төлөвлөгөөнд оруулах болно.

     Тэрээр цааш нь хэлэхдээ, өөрчлөлт хийж нээлттэй бодлого хэрэгжүүлснээс хойш, манай орны хот хөдөөгийн эдийн засаг, нийгмийн хөгжил түргэсч, хотжилтын ахиц байнга урагш ахиж байна. Хөдөө тосгоны эдийн засаг, соёлын төвшин ихээр дээшилж, манай орны олон шатны Ардын Төлөөлөгчдийн Их Хурал нь 10 хэдэн удаагийн сонгуулийг өнгөрүүлээд, баялаг туршлага хуримтуулсан байна. Социалист ардчилсан улс төрийн байгуулалт болон хууль зүйн байгуулалт асар их амжилтад хүрч, хот хөдөө гэсэнгүй, хүн амын тооны харьцаагаар ардын төлөөлөгчийг сонгох нөхцөл бүрдсэн бөгөөд хэрэгжүүлж болох хэмжээнд хүрсэн байна гэжээ.

     Энэ удаагийн өөрчлөлт оруулсан сонгуулийн төслийн дагуу, бүх Хятадын ардын төлөөлөгчдийн төлөөлөгчийн орон тоог тогтоохдоо, Бүх Хятадын Ардын Төлөөлөгчдийн Их Хурлын Байнгын Хороо нь олон муж, хот, өөртөө засах район, шууд харьяа хотын хүн амын тоог үндэслэн, төлөөлөгч нэг бүрийг төлөөлж байгаа хүн амын тоо бүгд тэнцүү байх зарчмыг хэрэгжүүлж, улмаар олон газар нутаг, олон үндэстэн ястан, олон талынхнаас зохих хэмжээний төлөөлөгч байлгах шаардлагын дагуу хуваарилалт хийх болно гэж тэр тэмдэглэжээ.

     Тэрээр мөн хот хөдөөд хүн амын тэнцүү тоогоор сонгууль явуулахын гурван онцлог талыг танилцуулан хэлэхдээ, нэгд, иргэдийн тэгш эрхтэй байхыг батлахын төлөө, хот хөдөөд хүн амын тэнцүү тоогоор ардын төлөөлөгч сонгох нь хүн бүхэн эрх тэгш байхыг батлах юм, хоёрт, олон газар нутгийнхан нь төрийн эрхт байгууллагад гар бие оролцох тэгш эрхтэй байлгаж, засаг захиргааны олон районд хүний тоо нь хэчнээн байсан ч, үндсэн ижил норомтой байлгахыг баталж, сонгуульд зохих тооны төлөөлөгчөө сонгон гаргаж, газар нутаг эрх тэгш байхыг харуулах болно. Гуравд, үндэстэн бүхэн зохих тооны төлөөлөгчтэй байхыг баталж, хүний тоогоор маш цөөн үндэстний цөөнх ч наад захдаа нэг төлөөлөгчтэй байж, үндэстний эрх тэгш байдлыг батална гэжээ. \Номин орчуулав\