Хятадын Ардын Банк 12-ны орой мэдэгдэл хийж, хадгаламжийн банк санхүүгийн байгууллага нэгж 18-ны өдрөөс эхлэн юаны хадгаламжийн бэлтгэл мөнгөний хүүг 0.5% хувь өсгөнө гэжээ. Гэтэл үүгээр Хятадын валютын бодлогод өөрчлөлт гарсан гэж магадлахад хэцүү гэж эдийн засаг судлаачид үзэж байна.
Хятадын төв банк энэ удаад бүтэн нэг жил хагас өнгөрсний дараа хадгаламжийн бэлтгэл мөнгөний хүүг анх удаагаа өсгөж байна. Үүнээс өмнө төв банк хадгаламжийн бэлтгэл мөнгөний хүүг 2008 оны 6-р сард өсгөж байсан юм. Олон улсын банк санхүүгийн хямралыг зохицуулах үүднээс төв банк бас 2008 оны сүүлийн хагас жилд хадгаламжийн бэлтгэл мөнгөний хүүг хойно өмнө 4 удаа бууруулсан байна.
Хятадын Ардын Их Сургуулийн банк санхүү, үнэт цаасны судалгааны төвийн профессор Жао Ши-жүний үзэж байгаагаар, төв банк энэ удаа хадгаламжийн бэлтгэл мөнгөний хүүг өсгөсөн явдлыг зохих чөлөөтэй валютын бодлогод үндсэн өөрчлөлт гарсан гэж үзэх ёсгүй юм гэжээ.
Азийн Хөгжлийн Банкнаас Хятадад суугаа төлөөлөгчийн газрын ахлах эдийн засагч Жуан жянь мөн дээрхтэй адил байр суурьтай байна.
Мэргэжилтнүүдийн үзэж байгаагаар, хөдөө аж ахуйг дэмжих хөрөнгө мөнгийг нэмэгдүүлэхийн тулд төв банк энэ удаа хөдөө тосгоны итгэмжийн зээл зэрэг жижиг банк санхүүгийн байгууллага нэгжүүдийн хадгаламжийн бэлтгэл мөнгөний хүүг өөрчлөөгүй байна. Энэ нь Хятадын засгийн газар итгэмжийн зээлийн бүтцийг боловсронгуй болгохоор дамжин хөрөнгө мөнгийг гол болгон хөгжүүлэх чухал салбарт шилжүүлэхийг санаачилсан явдал болно .\Уртнасан орчуулав.\
Өдөр дутмын 
