Шинэ он гарснаас хойш эрс тэс уур амьсгал, тээвэрлэлт саатаж, цахилгаан хэрэглэлтийн хэмжээ шинэ өндөр төвшинд хүрсний улмаас Хятад улсын цахилгааны олон үйлдвэрийн цахилгаан нүүрсний нөөц ноцтой дутагдсан байдал гарчээ. Өнөө олон талынхан үүнтэй холбогдуулан зохицуулах нааштай арга хэмжээ авч байна.
Хятадын Цахилгаан Эрчим Хүчний Диспетчерийн Холбооны Үндэсний Төвийн сүүлийн үеийн тоо сэлтээс үзвэл, Хятадын цахилгаан үйлдвэрийн гучин хувь орчмынх нь нүүрсний нөөцийн хоногийн тоо 7 хоногоос дооших сэрэмжийн төвшинд хүрч, нэг хувь нь 3 хоногоос дооших төвшинд хүрч, хэзээ ч гэсэн цахилгаан тасалдаж мэдэх хэмжээнд хүрчээ. Өнөөгийн байдлаар, Хү-бэй, Хү-нань, Хэнань, Жянши, Сычуань болон Чүнчин зэрэг 6 мужийн цахилгаан нүүрсний нөөц багасах хандлага хамгийн ноцтой болж, зарим нутагт нүүрс цахилгаан тасалдсан байдал гарсан байна. Үүний зэрэгцээ, Бээжин, Тяньжинь зэрэг нутгуудад цахилгаан нүүрсний нөөц ч хүрэлцээ муутай болсон байдал илэрчээ.
Цахилгаан нүүрс дутаж буй байдлыг намжаахын тулд Хятадын Шаньши, Өвөр Монгол зэрэг нүүрсний үйлдвэрлэлийн гол гол газрууд цахилгаан нүүрсний үйлдвэрлэл болон гадагш тээвэрлэлтийг нэмэгдүүлэх арга хэмжээ бүхнийг авч байна.
Үүний зэрэгцээ, цахилгаан хэрэглэлтийн дарамтыг хөнгөрүүлэх үүднээс Хятадын Хү-бэй, Чүнчин, Хэ-нань, Хэ-бэй, Шаньдүн зэрэг муж хотууд аж ахуйн нэгж болон үйлчилгээний салбарынхны цахилгаан хэрэглэлтийг хязгаарлах арга хэмжээ авч, иргэдийн цахилгаан хэрэглэлтийг баталсны үндсэн дээр цахилгаан эрчим хүчний ашиглалтыг багасгаж байна. \О.Дарамбазар орчуулав.\
Өдөр дутмын 
