Хятадын Статистикийн үндэсний газрын 21-ний өдрийн нийтэлсэн эдийн засгийн тоо баримтаас үзвэл, 2009 оны Хятадын дотоодын үйлдвэрлэлийн нийт хэмжээний өсөлтийн хэмжээ 8,7 хувьд хүрч, 8 хувийн өсөлтийг батлах гэсэн төсөөлсөн зорилтоо амжилттай биелүүлсэн байна. Энэ нь Японы сонин хэвлэлийн анхаарлыг их татлаа.
Хятадын 2009 оны GDP-гийн өсөлтийн хэмжээ 8,7 хувьд хүрсэн явдал нь экспортыг сэргээсэн болон олон нийтийн үйл хэргийн хөрөнгө оруулалтыг нэмэгдүүлсэн зэрэг арга хэмжээ үүрэг гүйцэтгэсэн нөхцөлд Хятадын эдийн засаг нь дэлхийн эдийн засгийн бууралтаас түргэн гарч, дахин түргэн хөгжсөнийг харуулж байна гэж "Ёмиүри Шимбун" сонин тэмдэглэжээ.
Хятадын GDP 2009 онд 33 триллион 525 тэрбум 300 сая юаньд хүрч, Японтой улам дөхлөө. Хятадын GDP 2010 онд Японоос давж, Америкийн л дараа орох дэлхийн 2-р том гүрэн болно гэдгийг тогтоож болно гэж "Асахи Шимбун" сонин мэдээлжээ. Хятадын засгийн газар эдийн засгаа хөгжүүлэх явцад мөн эдийн засгийн хэт түргэн өсөлт болон мөнгөний ханшны уналтаас сэргийлэх арга хэмжээ авч байна гэж уг сонин мөн тэмдэглэжээ. \Цэцэн орчуулав\
Өдөр дутмын 
