Дэлхийн яармагийн бэлтгэл ажлууд шувтаргын шатандаа оров

      Шанхайн дэлхийн яармаг албан ёсоор эхлэх одоо дөчөөд хоног үлдлээ. 2010 оны Шанхайн дэлхийн яармаг нь бэлтгэл ажлын шатнаасаа зохион явуулах чухал шатандаа шилжиж байгаа бөгөөд Хятадынхан Шанхайн дэлхийн яармагийг амжилттай, гайхамшигтай, мартагдашгүй хийхээр чармайж, шувтаргын шатны ажлуудаа сайтар хийцгээж байна.

     Шанхайн иргэд Шанхайн дэлхийн яармагийн айл бүл болохоор идэвхтэй өргөдөл гаргацгааж, элсүүлсэн нь гадаадын жуулчдыг хүлээн авах бэлтгэлээ хийцгээж байна. Шанхай хотын Хуан пү районы оршин суугч Жү Шипин хэлэхдээ,

     "Өнөө Шанхайн дэлхийн яармагийн айл бүл бологсод хүрээлэн байгаа орчноо ариутган цэвэрлэж, гэр доторх төрөл бүрийн бэлтгэлээ сайн хийж, өөр өөрийн ур авьяасыг бататган, англи хэлний төвшнөө дээшлүүлцгээж байна" гэжээ.

     Шанхай хотын иргэд Шанхайн дэлхийн яармагийг хүсэн хүлээж байгаагийн зэрэгцээ Шанхайн дэлхийн яармагийн хүрээлэнгийн байгуулалт ч дуусах шувтаргын шатандаа орлоо. Өнөө дэлхийн яармагийн ордон талбай болон иж бүрэн тоног төхөөрөмжүүдийн барилгын ажлын 95 хувь гаруй нь дуусаж, үлдэж байгаа ажлуудыг 4-р сарын 15-аас өмнө дуусгах болно. Шанхайн дэлхийн яармагийн ажил хариуцсан газрын дарга Хун Хо Шанхайн дэлхийн яармагийн хүрээлэнгийн байгуулалтын байдлыг танилцуулж хэлэхдээ,

    "Шанхайн дэлхийн яармагийн хүрээлэнгийн бүх байгуулалт төлөвлөгөө ёсоор явагдаж байна. Өнөө нэг тэнхлэг, 4 ордныг байгуулаад байна. Бас өөрсдөө байгуулах 42 ордон, хамтран байгуулах 11 ордныг ч байгуулж дуусгасан. Өнөө үзмэрүүдийг дэлгэж байна. Хүрээлэнгийн бүх үзэсгэлэнгийн ордны байгуулалт маш урагштай явагдаж байна. Үүнээс гадна, зам харилцаа, олон нийтийн хэрэглээний тоног төхөөрөмжийн байгуулалтууд ч их төлөв бүр дуусах шатандаа орсон. Бараг 4-р сарын дунд үеэр дуусна. 4-р сарын 20-нд Шанхайн дэлхийн яармагийг эхлүүлэх туршилт хийх үед бүх зүйлийг бэлэн болгох болно" гэжээ.

     Шанхайн дэлхийн яармагийн хүрээлэнгээс гадна, мөн Шанхайн дэлхийн яармагт зориулан байгуулсан дэд бүтцийн тоног төхөөрөмжүүдийг ч сүүлийн үе ашиглалтад оруулна. Сүүлийн үе дэлхийн зэрэглэлийн зам харилцааны барилга болох Солонго гүүрийг албан ёсоор ашиглалтад орууллаа. 3-р сарын сүүлчээр Вай танийг ерөнхийд нь өөрчлөн засах байгуулалт ч дуусна. Хамгийн оройдоо 4-р сарын дунд үеэр Шанхайн дэлхийн яармагийн зам харилцааны чухал барилга болох Шанхайн Лүн Яолү нүхэн зам ашиглалтад орно. Ингээд Шанхайн дэлхийн яармагт зориулсан Шанхайн том чухал барилгууд бүхнээрээ ашиглалтад орох болно.

     Шанхайн дэлхийн яармагт зориулж Шанхай хот нь хот байгуулалтын талаараа урьд өмнө байгаагүй их байгуулалт хийсэн юм. Өнгөрсөн оны хотын дэд бүтцийн байгуулалтын хөрөнгө оруулалтын хэмжээ нь 170 тэрбум ам.долларт хүрч, түүхэн шинэ тэмдэглэл тогтоожээ. Шанхайн дэлхийн яармагт зориулсан эдгээр байгуулалт нь Шанхайн дэлхийн яармагийн жуулчдад дөхөм үзүүлэх төдийгүй, Шанхай хотын хүч чадлыг тал бүрээр дээшлүүлэх юм.

     Шанхайн дэлхийн яармагийн гүйцэтгэх комиссын орлогч дарга Жөү Ханьминь өнөөгийн бэлтгэл ажлын голдлогыг танилцуулж хэлэхдээ, зохион байгуулагч тал ордон талбайн байгуулалт болон үзмэрүүдийг дэлгэх ажлыг шалавдан хийхийн зэрэгцээ бусад орны үзэсгэлэнд оролцох үйл явцад тусалж байна гэжээ. Тэрээр хэлэхдээ,

     "Бид эцсийн энэ шатанд ордон талбайн байгуулалт болон үзмэрүүдийг дэлгэх ажлыг шалавдан хийж, бусад улс орны үзэсгэлэнд оролцох үйл явцыг зохицуулна. Тус яармаг 184 хоног үргэлжлэн, давхардсан тоогоор 70 сая хүн ирж танилцах болно. Бид бүх талын бэлтгэл ажлыг сайн хийх болно. Бүх нийгмээрээ Шанхайн дэлхийн яармагт анхаарлаа хандуулж, дотоод гадаадын бүх хятад хүмүүс Шанхайн дэлхийн яармагийг дэмжиж, бүх дэлхийн ард түмэн Шанхайн дэлхийн яармагийг хамтаараа эдлэхийг хүсэж байна" гэжээ. \Э.Цогзолмаа орчуулав.\