Шанхайн дэлхийн яармагийн Хэвлэл мэдээллийн төв 7-ны өдөр анхны хэвлэлийн бага хурал хийлгэж дэлхийн яармагийн хэвлэл мэдээллийн үйлчилгээний ажлын хөтөлбөр түүнчлэн сүүлийн үеийн ажлын ахицын байдлыг танилцуулав. Эх сурвалжаас үзвэл, эдүгээ хэвлэл мэдээллийн үйлчилгээний гол гол барилга байгууламж бүгд ашиглалтад орж, энэ сараас хэвлэлийн бага хурлууд хийж, сайн дурынхны үйлчилгээ, хамгаалалтын арга хэмжээ, хүнсний бүтээгдэхүүний ариун цэвэр аюулгүй байдал, цаг агаар, аялал жуулчлалын үйлчилгээ зэрэг дэлхийн яармагтай холбоотой мэдээлэл өгөх юм.
Шанхайн дэлхийн яармагийн албан ёсны веб сайтын танилцуулснаас үзвэл, хэвлэл мэдээллийн үйлчилгээний барилга байгууламжид Хэвлэл мэдээллийн төв, Олон улсын радио телевизийн төв, Хэвлэл мэдээллийн бүртгэлийн төв зэрэг багтаж байна. 4-р сарын 20—26-ны өдөр Хэвлэл мэдээллийн төв туршин ажиллана. 4-р сарын 27-ны өдрөөс Хэвлэл мэдээллийн төв бүртгэлтэй хэвлэл мэдээллийн хэрэгсэлд үүд хаалгаа нээх юм. Хэвлэл мэдээллийн төв, Олон улсын радио телевизийн төв өдөр бүр 8 цагаас 24 цаг хүртэл ажиллаж, ажлын оргил үед 24 цагаар ажиллана.\Орчуулсан редактор Урангоо\
Өдөр дутмын 
