Шанхайн дэлхийн яармагийн Олон улсын радиогийн төв баригдаж дуусан 27-ны өдрөөс дэлхийн хэвлэл мэдээллийн хэрэгсэлд үйлчилгээ үзүүлэх боллоо. Үүнээс гадна, Шанхайн дэлхийн яармаг дэлхийн хэвлэл мэдээллийн хэрэгслийн анхаарлыг татаж, дэлхийн нэртэй нэртэй хэвлэл мэдээллийн хэрэгсэл яармагийн хүрээлэнгийн дотроос шууд нэвтрүүлэг явуулах өргөдөл дэвшүүлж байгаа бөгөөд нээлтийн ёслолыг дамжуулах дохионы шугам олгохыг хүссэн байна гэж Шанхайн дэлхийн яармагийн зохицуулах газрын орлогч дарга Жү Юнлэй танилцууллаа.
Тэрээр дэлхийн яармагийн олон улсын радиогийн төвийг ажиллуулах төсөлд гарын үсэг зурах ёслол дээр ингэж хэлсэн юм. Эдүгээ дотоод гадаадын хэвлэл мэдээллийн 14 байгууллага студи түрээслэн тоног төхөөрөмж аппарат хэрэгслээ суурилуулж, үзэмж чимэглэлээ хадсан байна. BBC, CNN, NHK зэрэг олон улсын нэр бүхий радио телевиз ч яармагийн хүрээлэнд шууд нэвтрүүлэг явуулахаар өргөдөлд дэвшүүлж байна. Ройтер агентлаг , Ассошиэйтэд пресс агентлагийн сүлжээ ч нээлтийн ёслол дамжуулахад олон нийтийн дохионы шугамын өргөдөл дэвшүүлж 500 гаруй телевиз мэдээг шууд дамжуулахаар болоод байна гэж тэрээр танилцуулав. \Орчуулсан редактор Урангоо\
Өдөр дутмын 
