Хятадын ерөнхий сайд Вэнь Жябао 28-ны үдээс өмнө Азийн дөрвөн оронд айлчлахаар Бээжингээс мордлоо. Долоо хоногийн хугацаанд тэрээр БНСУ, Япон, Монгол, Мьянмар дөрвөн оронд айлчилж, БНСУ-ын Жежу аралд болох Хятад ,Япон, БНСУ гурван орны удирдагчдын хуралд оролцох юм. Энэ бол Вэнь Жябаогийн энэ оны гадаадад хийж байгаа анхны айлчлал болно.
Түүнчлэн Хятадын ерөнхий сайдын Хятад, БНСУ- тай стратегийн түншийн харилцаа тогтоосноос хойш тус улсад хийж буй анхны айлчлал болно. Хятадын ерөнхий сайд Японы засгийн газар солигдсоноос хойш Японд анх удаа айлчилж байгаа бөгөөд 16 жилийн дараа Монгол улс болон Мьянмарт айлчилж байгаа болно. Бас түүний Хятад, Япон, БНСУ хамтаар шинэ арван жилээ нээж байгаа үеэр гурван орны удирдагчдын уулзалтад оролцох гэж байна. Хятадын гадаад хэргийн яам саяхан энэ айлчлал бол энх тайван, найрамдал, хамтын ажиллагааны айлчлал болж, найрамдлаа бэхжүүлж, харилцан итгэлцлээ нэмэгдүүлэн, хамтын ажиллагаагаа гүнзгийрүүлэх зорилготой юм гэж илэрхийлсэн байна.
Хүмүүсийн анхаарлын төвд орсон Хятад, Япон, БНСУ гурван орны гуравдах уулзалт 29-30 өдрүүдэд БНСУ-ын Жежу аралд болж, гурван орны ирээдүйн хөгжлийн хандлагыг төлөвлөж, улс төрийн итгэлцлээ нэмэгдүүлэн, хамтын ажиллагааны механизмыг төгөлдөржүүлэн, олон салбар дахь хамтын ажиллагаагаа бүх талаар ахиулах бол ерөнхий сайд Вэнь Жябаогийн энэ айлчлалын зорилго болно. Хурлын хугацаанд Хятад ,Япон, БНСУ гурван орны удирдагчид гурван орны хамтын ажиллагааны ирээдүйн чиг хандлага болон хамтаар сонирхож байгаа олон улсын болон бүс нутгийн асуудлаар санал солилцож, 2020 оны хамтын ажиллагааны чиглэл, шинжлэх ухааны шинийг үүдэх болон стандартчилсан хамтын ажиллагаа зэрэг баримт бичигт гарын үсэг зурж, хамтын ажиллагааны холбогдох санамж бичигт гарын үсэг зурах юм. /Баатар орчуулав/
Өдөр дутмын 
