2010 оны Шанхайн дэлхийн яармаг амжилттай өндөрлөлөө

      Хятадын 2010 оны Шанхайн дэлхийн яармагийн хаалтын ёслол 10-р сарын 31-ний орой Шанхай хотод боллоо. Хятадын төрийн зөвлөлийн ерөнхий сайд Вэнь Жябаогийн Шанхайн дэлхийн яармаг хаагдсаныг мэдэгдэхийг дагалдан 184 хоног ажилласан Шанхайн дэлхийн яармаг 10-р сарын 31-ний өдөр хөшгөө хаасан байна.

      Хятадын төрийн зөвлөлийн ерөнхий сайдын орлогч, 2010 оны Шанхайн дэлхийн яармагийн зохион байгуулах хорооны эрхлэгч гишүүн Ван Чишань хаалтын ёслол дээр үг хэлж тэмдэглэхдээ, Шанхайн дэлхийн яармаг хүн төрөлхтний соёл иргэншлийн шинийг санаачлан бүтээлтийн амжилт бүтээлийг харуулж, 246 улс орон олон улсын байгууллага амжилттай, гайхамшигтай, мартагдашгүй аялал хийсэн байна гэжээ.

      Олон улсын үзэсгэлэнгийн товчооны дарга Жеан Пиерре Лафон хаалтын ёслол дээр энэ удаагийн дэлхийн яармагийг үнэлж хэлэхдээ, Шанхайн дэлхийн яармаг асар их амжилт олсон төдийгүй дэлхийн яармагийн үйлс ч амжилт олсон байна. Шанхайн дэлхийн яармагийн сайхан хот сайхан амьдрал уриа нь Дэлхийн яармаг хаалтаа хийсэн ч үргэлжлэн уламжлагдах болно гэжээ.

      Шанхайн Дэлхийн яармагийг зохион байгуулагч талын төлөөлөгч 2015 онд болох дараагийн ээлжийн Дэлхийн яармагийг зохион явуулагч тал---Италийн Миланы төлөөлөгчид Олон улсын үзэсгэлэнгийн ажил хариуцсан газрын далбааг хүлээлгэн өгсөн байна.

     Шанхайн Дэлхийн яармаг нь анхдагч удаагаа хөгжиж байгаа оронд болсон Дэлхийн яармаг юм. 5-р сарын 1-ний өдөр нээлтээ хийснээс хойш,  Шанхайн Дэлхийн яармаг нь дотоод гадаадын 73 сая гаруй үзэн танилцагчдыг хүлээн авч уг яармагийн хүрээлэнтэй үзэн танилцуулсан байна. Үүнд 246 улс орон болон олон улсын байгууллагыг хамарч, гайхамшигт уран сэтгэмжтэй үзэсгэлэнгийн ордон  талбай, дэвшилт шинжлэх ухаан техникийн хөгжлийн ололт амжилт, баялаг агуулгатай соёлын тоглолт үзүүлэг зэргийг дэлгэн үзүүлсэн бөгөөд, тогтвортой хөгжлийн талд олсон олон орны тэргүүний үзэл баримтлалыг голчлон харуулсан байгаа юм.

      Хаалтын ёслол дээр Хятадын олон нэрт уран сайханчид болон уран сайхны чуулаг хамтлаг үзэсгэлэнд оролцсон олон орны төлөөлөгчдийн хамт гайхамшигтай сайхан уран сайхны тоглолтоо үзэгч түмэнд хамтаар өргөн барьжээ.