Азийн спортын 16-р наадам тэмцээний гурав дахь өдөртөө орлоо

      Хятадын Гуанжөү хотод болж байгаа Азийн спортын 16-р наадам 15-ны өдөр тэмцээний гурав дахь өдөртөө орлоо. Одоогийн байдлаар, Хятадын баг тамирчид 41 алтан медаль авч, алтан медалийн тоогоороо тэргүүлж байна.

     Мөн өдөр Хятадын баг тамирчдын эмэгтэйчүүдийн буудлагын 10 метрийн хөдөлгөөнт бай, эмэгтэйчүүдийн хэвтээ байрны буудлагын 50 метрийн бай зэрэг төрөлд 3 алтан медаль авчээ. Үүнээс гадна Хятадын баг тамирчид агаарын теннисний эмэгтэйчүүдийн багийн тэмцээнд Таиландыг хожиж алтан медаль авсан байна. Энэ нь Хятадын баг тамирчид Азийн спортын наадамд агаарын теннисний эмэгтэйчүүдийн багийн тэмцээнд 9 дэх удаагаа алтан медаль авч байгаа болно.

     Сурвалжлагч мэдээ бичих үеийг хүртэл, БНСУ-ын баг тамирчид 16 алтан медаль авч, хоёрдугаар байранд, Японы баг тамирчид 8 алтан медаль авч гуравдугаар байранд жагсаагдаж байна.\Алтаннавч орчуулав\