Ниншя исламын орон руу хандсан эдийн засаг соёлын солилцооны төв байгуулах болно

     2006 оноос 2010 онд Хятад улсын 11-р таван жилийн төлөвлөгөөний хугацаанд Ниншягийн хотон үндэстний өөртөө засах районы эдийн засаг нийгэм үргэлжлэн түргэн хөгжсөн үе болно. Нийт районы цогцолбор хүчин нэмэгдэж, хот хөдөөгийн дүр төрх өөрчлөгдөн ардын амьдрал илт сайжирсан байна. Гадаадад нээлттэй байх болон хамтын ажиллагааны орон зайг өргөтгөхийн төлөө Ниншя исламын орнуудад хандсан эдийн засаг соёлын солилцооны төвийг идэвхтэй байгуулах хөгжлийн үзэл дэвшүүлсэн байна. Саяхан Ниншягийн хотон үндэстний өөртөө засах районы дарга Ван Жэнвий ярилцлага өгөх үед хэлэхдээ, үндэстний өвөрмөц онцлогтой нээлттэй эдийн засаг байгуулахаа түргэтгэх нь Ниншягийн үсрэнгүй хөгжлийг биелүүлэх гол зам хөдөлгүүр хүчин болно гэжээ.

      Ниншягийн хотон үндэстний өөртөө засах район Хятадын баруун хойд хэсэгт байрлаж байдаг. Сүүлийн таван жилийн турш Ниншягийн эдийн засаг түргэн нэмэгдэж, оршин суугчдын амьдралын төвшин илт дээшлэн экологийн орчин сайжирсан байна. Ван Жэнвий танилцуулж хэлэхдээ, 11-р таван жилийн хугацаа бол Ниншягийн эдийн засаг хамгийн түргэн хөгжсөн үе болно. Мөн ч хот хөдөөгийн дүр төрхөд хамгийн их өөрчлөлт гарсан үе болох бөгөөд ард иргэд хамгийн их ашиг хүртсэн цаг үе болно. Таван жилийн хугацаанд Ниншягийн эдийн засаг жил бүр 12.6%-аар нэмэгдэж, хөрөнгө оруулалт ч 8 дахин нэмэгдсэн байна. хотын оршин суугчдын орлого 4 дахин нэмэгдэн тариачдын орлого 3 дахин нэмэгдсэн гэжээ.

     2009 онд Төрийн зөвлөл Ниншягийн эдийн засаг нийгмийн хөгжилд тус дөхөм үзүүлэх тухай санал нийтэлж тэмдэглэхдээ, Ниншя дотоод гадаадад тал бүрээр нээлттэй байх төвшингөө дээшлүүлж, дотоод хуурайн нээлттэй байх шинэ байдлыг тогтоох хэрэгтэй гэжээ. Үүнтэй холбогдуулан Ниншя ч исламын орон руу хандсан эдийн засаг соёлын солилцооны төв байгуулах хөгжлийн үзэл дэвшүүлсэн байна. Хятадын цорын ганц мужийн зэрэглэлийн Хотон үндэстний өөртөө засах район болсон Ниншя нь исламын орнуудтай адил шашин шүтлэг, зан араншинтай бөгөөд соёл иргэншлийн орчинтой юм. Ниншя исламын орнуудад хандсан нээлттэй эдийн засаг хөгжүүлэх талаар өвөрмөц нөхцөлтэй гэж Ван Жэнвий үзсэн байна.

      Тэрээр хэлэхдээ, Ниншягийн Хотон үндэстэн 36%-г эзэлж байгаа бөгөөд Хотон үндэстэн бол бизнес эрхлэхдээ авьяастай үндэстэн юм. Мөн ч Исламын шашинтай холбоотой үндэстэн юм. Хэдийгээр Ниншя нь Хятадын дотор газрын баруун хойд бүс нутагт байрлаж байдаг ч, тээрээр Хятадын нутаг дэвсгэрийн төвд нь байрлаж, дурдууштай нь Иньчуаниас Дубай ;хүрэх зорчигч тээврийн онгоцыг ажиллуулсан юм. Үүнээс гадна, сүүлийн жилүүдэд Олон улсын Лалын хүнсний бүтээгдэхүүний баяр болон Мусульманы хэрэглээний бараа бүтээгдэхүүний баяр зэргийг тасалдуулалгүйгээр зохион байгуулж, маш сайн үндэс суурь тавин, өнөө нэгэнт их олон Исламын улс орон болон Арабын орнуудтай худалдаа хийж байгаа.  Тийм болохоор өнөө бид Арабын орнуудтай нээлттэй хамтран ажиллах нөхцөлтэй болсон байна гэжээ.

      2010 оны 9-р сард, Ниншя нь "2010 оны Хятад болон Арабын орнуудын эдийн засаг худалдааны форум"-ыг амжилттай зохион байгуулж, нийт 66 улс орон, бүс нутаг болон олон улсын байгууллага оролцож, форумтой танилцсан хүний тоо 270 мянгад хүрчээ. Үүний зэрэгцээ, хамтын ажиллагааны 190 төсөлд гарын үсэг зурж, нийт хөрөнгө оруулалтын хэмжээ нь 200 тэрбум юаньд хүрчээ. Ван Жэнвэйгийн үзэж байгаагаар, Хятад болон Арабын орнуудын эдийн засаг худалдааны форумыг амжилттай зохион байгуулсан нь Ниншягийн гадаадад нээлттэй байх ажил үйлсийг чухал алхам хийлгэсэн юм байна.

      Ван Жэнвэйгийн үзэж байгаагаар, 12-р 5 жилийн хугацаанд, Ниншягийн Өөртөө Засах Районы үсрэнгүй хөгжил нь үндэстний онцлог бүхий ажил төрлөөс салж чадахгүй. Ниншягийн Өөртөө Засах Район хүч тавин ажиллаж, Исламын улс орнууд нээлттэй байж, тэднийг нээж хөгжүүлэхээр гол болгож, Хятадын дотор газрын нээлттэй хөгжлийн хошууч болж, Ниншяг Арабын улс орнууд болон Мусульманы бүс нутгийн бараа бүтээгдэхүүний зураг төсөв болон үнэлгээ гэрчилгээний төв, үйлдвэрлэлийн бааз, боловсон хүчин бэлтгэх суурин, музей болон барааны гүйлгээний төв болгох болно гэжээ.