Дарга Хү Жиньтао Вашингтонд хүрэлцэн очив

        Америкийн ерөнхийлөгч Барак Обамагийн урилгаар Хятад улсын дарга Хү Жиньтао 18-ны өдөр Америкийн нийслэл Вашингтонд хүрэлцэн очиж, тус улсад хийх төрийн айлчлалаа эхлүүлжээ. Нисэх онгоцны буудалд тэрээр хэлэх үгээ бичгээр тарааж тэмдэглэхдээ,Тэрээр юуны өмнө Америкийн ард түмэнд шинэ оны мэнд хүргэж, Хятадын ард түмний дотно мэндчилгээг дамжуулж байна гэжээ.        

        Америкийн дэд ерөнхийлөгч Жое Биден, Америкаас Хятадад суугаа элчин сайд Жон Хунцман, Америкийн цагаан ордны аюулгүйн зөвлөлийн Азийн ажил хэрэг хариуцсан дээд зөвлөх  Жефф Бадер нарын зэрэг Америкийн албан тушаалтнууд, Хятадаас тус улсад суугаа элчин сайд Жан Е-цүй зэрэг хүмүүс онгоцны буудалд дарга Хү Жиньтаог угтан авсан байна.               

        Хү Жиньтао тэмдэглэхдээ, Хятад, Америк хоёр орон түмэн газар алслагдсан ч дэлгэр уудам номхон далай нь хоёр ард түмний найрамдлыг хориглож салгаж чадахгүй юм. Дипломат харилцаа тогтоосон 32 жилийн турш, хоёр талын хамтын хүчин чармайлтаар, Хятад, Америкийн харилцаа нь ерөнхийдөө нааштай хөгжлийн хандлагаа баримталсаар ирлээ. Өнөө, олон улсын байдал ээдрээ будлиантай бөгөөд гүнзгий өөрчлөлт хувиралт гарсаар байна. Хятад, Америкийн хоёр талын хамтын ашиг сонирхол өргөжиж, хамтын үүрэг хариуцлага ч нэмэгдэн, хоёр талын хамтын ажиллагаа ирээдүйд саруул уудам байгаа юм. Энэ удаа итгэлцлийг нэмэгдүүлж, найрамдлыг эрчимжүүлэн, хамтын ажиллагааг гүнзгийрүүлж, 21-р зууны Хятад, Америкийн нааштай хамтран ажилласан тал бүрийн харилцааг үргэлжлүүлэн хөгжүүлэхээр Америкт айлчилж байгаа юм. Америкийн талтай харилцан хүндэтгэж, харилцан ашигтай хамтаар ялсан үндэс суурин дээр, Хятад, Америкийн харилцааг нааштай хөгжүүлэн, олон улс орнуудтай хамтаар өнө батын энх тайван, хамтаар цэцэглэн хөгжсөн эвсэг зохицонгуй дэлхийг байгуулахад Хятадын тал бэлэн байна гэлээ.\Хүчитбаатар орчуулав\