АНУ-д төрийн айлчлал хийж байгаа Хятад улсын дарга Хү Жинтао 20-ны өдөр Чикаго хотод тус хотын дарга Ричард Далейтай уулзсан байна.
Хү Жиньтао хэлэхдээ, Хятад, Америкийн харилцааны хөгжил нь хоёр орны орон нутгийн олон салбарынхан болон ард олны идэвхтэй оролцоо болон дэмжлэгээс салж чадахгүй. Өнөө Хятад, Америкийн тус тус 36 муж, 161 хотууд хоорондоо найрсаг харилцаа тогтоож, хоёр орны орон нутаг хоорондын солилцоо болон хамтын ажиллагаа нь өргөжөөд эдийн засаг, худалдаа, боловсрол зэрэг олон салбарыг хамарсан байна. Хятад улстай харилцаагаа хөгжүүлэх явцад Чикаго хот нь тэргүүн эгнээд явж байгаа бөгөөд өөрийн давуулаг тал болон нааштай боломж байдлаа ашиглан Хятадын талтай эрчим хүч, хүрээлэн байгаа орчныг хамгаалах зэрэг салбар дахь солилцоо болон хамтын ажиллагаагаа эрчимжүүлж, хоёр орны ажил хэрэгч хамтын ажиллагааг үргэлжлэн ахиулахыг хүсэж байна гэжээ.
Ричард Далей хэлэхдээ, Чикаго хотыг Америк дахь Хятадын хамгийн найрсаг хот болгон байгуулж, мөн Хятадад хандсан Америкийн "хаалга" болохыг хүсэж байна гэжээ. Тэрээр цааш нь хэлэхдээ, Хятадын нэн олон аж ахуйн нэгж Чикаго хотод хөрөнгө оруулж, мөн Хятадын нэн олон жуулчид Чикаго хотоор аялахыг баярлан угтаж байна гэжээ.\Хүчитбаатар орчуулав\
Өдөр дутмын 
