Гонконгийн "Нань Хуа Өглөөний сонин"-ны вебэд 3-ны өдрийн мэдээлснээр, Хятадын засгийн газар "эвсэг нийгэм" ба "шинжлэх ухаанч хөгжил" зэргийг дэвшүүлэн тавьсны дараа, "аз жаргал" гэдэг үг БХАТИХ-ын ээлжит чуулган болохын өмнөх үеийн шинэ уриа, шинэ сэдэв болоод байна.
Мөн түүнчлэн Хятадын Төрийн зөвлөлийн ерөнхий сайд Вэнь Жябао саяхан хэлэхдээ, аз жаргалтай байлгана гэдэг бол ард иргэдийг амгалан тайван, сэтгэл хангалуун, ирээдүйдээ итгэл төгс байх явдал юм, эдийн засгийг хөгжүүлэхийн гол зорилго бол иргэдийн амьжиргааны төвшинг дээшлүүлэхэд оршино гэсэн байна. "Нань Хуа Өглөөний сонин"-ны веб сайт "Рэнь Минь Ри Бао сонин"-ы өгүүллээс иш татаж тэмдэглэхдээ, ард олныхоо аз жаргалын үзүүлэлтийг өсгөх нь Хятадын албан тушаалтнуудын нийтлэг ойлголт болсон байна гэлээ.
Английн "Дейли Телеграф сонин"ы өгүүлэлд нийтлэхдээ, Хятад улс ард иргэдийнхээ амьдралын төвшинг дээшлүүлж, аз жаргалтай байлгахад үндэсний нийт бүтээгдхүүний тасралтгүй өсөлтийг харгалзан үзэх төдийгүй ард иргэдийн амьдралын чанартай шууд холбогдох эмчилгээ, боловсрол, орон сууц зэрэг хүчин зүйлүүдийг ч чухалчлах хэрэгтэй гэжээ.\Хүчитбаатар редакторлан орчуулав\
Өдөр дутмын 
