2011 оны Ши Аний дэлхийн цэцэрлэгийн яармаг нээгдлээ

       28-ны үдээс өмнө 2011 оны Ши Аний дэлхийн цэцэрлэгийн яармагийн нээлтийн ёслол Хятадын Шаань Ши мужийн Ши Ань хотын Чан Ба экологийн бүсэд боллоо. Энэ яармаг нь 2008 оны Бээжингийн олимп, 2010 оны ШДЯ-ын дараа Хятадын эх газарт болж буй олон улсын томоохон наадмын нэг бөгөөд шинэ Хятад улс байгуулагдснаас хойш Хятадын баруун хойт нутагт болж байгаа хамгийн өндөр зэрэглэл, цар хэмжээ бүхий дэлхийн үзэсгэлэн яармаг юм.

       28-ны үдээс өмнө 2011 оны Ши Аний дэлхийн цэцэрлэгийн яармаг Хятадын эртний нийслэл, байгалийн үзэсгэлэнт Шинь Ань хотод баяр ёслолын байдалтай нээгдлээ. Үдээс өмнө 10 цагт Шаань Ши мужийн намын хорооны нарийн бичгийн дарга Жао Ле Жи, 2011 оны Ши Аний дэлхий цэцэрлэгийн яармагийн зохион байгуулах хорооны дарга, ойн аж ахуйн үндэсний газрын дарга Жя Жи Бан, Хятадын худалдааг дэмжих нийгэмлэгийн дарга Вань Жи Фэй, Хятадын цэцэгчдийн нийгэмлэгийн дарга Жя Зэ Хүй , Ши Ань хотын намын хорооны нарийн бичгийн дарга Сүн Чин Юүн нарын зэрэг хүмүүс 2011 оны Ши Аний дэлхийн цэцэрлэгийн яармагийн цэцгэн тууз хайчилж, ХКН-ын төв хорооны улс төрийн товчооны гишүүн, улс төрийн зөвлөлдөх зөвлөлийн бүх Хятадын хорооны орлогч дарга Ван Ган яармаг нээгдснийг зарлалаа.

       Дэлхийн цэцэрлэгийн яармаг нь цэцэрлэгийн аж ахуйн салбарын олимп гэгддэг. 2011 оны Ши Аний дэлхийн цэцэрлэгийн яармаг нийт 418 га талбайтай, үүнээс 188 га талбай нь усан дээр байрлажээ.Цэцэрлэгийн хүрээлэнд Чан Ань суварга, Бүтээмжийн ордон, байгалийн ордон, Гуан Юнь мэнь ордон зэрэг бэлэгдлийн дөрвөн барилга байна. Чан Аний цэцгэн гуу, өнгө алагласан Жүн Нань, торгон замын цэцгийн шивнээ, гадаадын сонин хачин, Ба Хэ голын солонго хэмээх таван гол сэдэвт цэцэрлэгийн хүрээлэнтэй юм. Энэ удаагийн цэцэрлэгийн яармаг " хот байгаль зохицонгуй зэрэгцэн орших" гэсэн уриан дор болж, цэцэг, ногоон ургамал, усаар бүрдсэн үзэсгэлэн гоо байгалийн үзэмжийг бүрдүүлж, Шаань Ши муж болон Ши Ань хотын түүх соёл , орон нутгийн онцлог болон хүн төрөлхтний хүсэн мөрөөдөж байгаа цэвэр байгаль, эрчим хүчний хэмнэлт, экологи хамгаалах үзэл ойлголтыг уялдуулж, дэлхийн цэцэрлэгийн аж ахуйн салбарын хүн байгаль, хот байгалийн зохицонгуй хөгжиж байгаа шинэ амжилтыг харуулах юм.

       Ши Аний цэцэрлэгийн яармагийн ерөнхий төлөвлөгч Ли И манай сурвалжлагчид ярилцлага өгөхдөө, дэлхийн цэцэрлэгийн яармагийг Хятадад зохиож байгаа нь цэцэгчид болон цэцгийн сорт, болон цэцэрлэгийн аж ахуйн үзэсгэлэнг аажмаар ерөнхий гол сэдэвтэй цэцэрлэгт хүрээлэн байгуулах тал руу шилжүүлж, Хятад улс дэлхийн цэцэрлэгийн яармагийн агуулгыг баяжуулж байгаа юм гэжээ.

       Тэр хэлэхдээ, "Хятад улс цэцэрлэгжүүлэлтын сэдэвт дэлхийн яармаг зохион байгуулж байгаа нь дэлхийн цэцэрлэгт хүрээлэнд маш олон өвөрмөц өнгө гялбаа нэмж, Ши Ань хотноо болж байгаа энэхүү яармаг нь голдуу соёлын талд олон өнгө гялбаа нэмэрлэж байна. Уг яармаг нээгдэхээс эхлэн "хот байгаль зохицонгуй зэрэгцэн орших" гэсэн уриа гаргаснаар бидний бүх төсөв төлөвлөгөө, дизайн бүгд энэхүү сэтгэхүйгээр зохиогдсон" гэжээ.

       Эртний нэрт хот Ши Ань анх удаа ийм өргөн цар хэмжээтэй дэлхийн цэцэрлэгийн яармаг зохион байгуулж байгаа тул Ши Ань хотын иргэдийн хувьд өргөдөл гаргах, бэлтгэл хийхээс өнөөдрийн албан ёсны нээлт хүртэлх хотын өөрчлөлт, иргэдийн өөрсдийнх нь өөрчлөлт зэрэг нь туйлын бахдууштай юм. Дэлхийн олон газрын жуулчдыг шинэ дүр төрхөөр угтахын тулд ариун цагаан сэтгэлтэй ажилч хөдөлмөрч Ши Аний ард түмэн чармайн ажилласаар ирлээ.
Ши Аний дэлхийн цэцэрлэгийн яармагийн зохион байгуулах хорооны дарга Шаань Ши мужийн дарга Жао Жэн юн нээлтийн ёслол дээр хэлэхдээ: "Бид дотоод гадаадын зочдод халуун дотно үйлчилгээ үзүүлж, Хятадын баруун бүсийг нээн хөгжүүлэх стратегийн ололтыг Ши Ань хотоос мэдрүүлэх, гайхамшигтай, онцлогтой, мартагдашгүй дэлхийн цэцэрлэгийн яармагийг тэдэнд танилцуулна. Мөн үүгээр боломж тохиол болгож, дотоод гадаадын цэцэрлэгийн салбарынхантай харилцаа холбоо, хамтын ажиллагаагаа эрчимжүүлж, дотоод гадаадын цэцэрлэгийн салбарынхантай ойлголцол нөхөрлөлөө бэхжүүлж, хүн төрөлхтний сайн сайхан ирээдүйг хамтаар бүтээн байгуулахаар бүх хүчээ дайчлан чармайна гэжээ. \Баатар орчуулав\