8-р сарын 22-ны өдрийн байдлаар, Ши Аний дэлхийн цэцэрлэгийн яармаг нээгдээд 117 өдөр болж, уг яармагийг сонирхсон жуулчдын тоо давхардсан тоогоор 9 саяыг даваад байна.
7, 8-р сар нь оюутан, сурагчдын амралтын үе байдаг учраас аялагчдын тоо тасралтгүй нэмэгдсээр байв. Дэлхийн цэцэрлэгийн яармагийн зохион байгуулагчид энэ хугацаанд оюутан сурагчийн үнэмлэхээр 30 хувийн хямдралыг зарласан бөгөөд бэлэг дурсгал өгөх зэрэг арга хэмжээг авч тэднийг өөртөө татсан байна. Хотын жирийн иргэд яармагтай танилцах үеэр сугалаанд оролцож болох бөгөөд шөнийн цагийн тасалбар ч хямдралтай болсон байна.
Үүний зэрэгцээ Ши Аний цэцэрлэгийн яармагийн хүрээлэнд бусад холбогдох арга хэмжээнүүд ар араасаа үргэлжлэн явагдсаар байна. Амралт, зугаа цэнгэлийг хослуулсан зөөврийн тоглоомын парк 20-ны өдөр нээгдэж, Африк тивийн онцлогийг бүрэн хадгалсан "Бэй Нин соёлын долоо хоног" арга хэмжээ 21-ний өдөр эхэллээ.
Ши Аний цэцэрлэгийн яармаг 4-р сарын 28-ны өдөр нээгдэж, 10-р сарын 22-ны өдрийг хүртэл үргэлжлэх бөгөөд давхардсан тоогоор 12 сая жуулчин хүлээн авах төлөвлөгөөтэй байгаа юм байна.\Алтаннавч орчуулав\
Өдөр дутмын 
