Хятад, Япон, БНСУ 3 орны Хамтын ажиллагааны нарийн бичгийн газар 1-ний өдөр БНСУ-ын нийслэл Сөүлд үйл ажиллагаагаа эхлүүлсэн нь дээрх 3 орны хамтын ажиллагааны тогтолцоонд шинэ алхам хийснийг харууллаа.
Хятад, Япон, БНСУ зэрэг 3 орны хамтын ажиллагааны нарийн бичгийн газрыг Сөүлд байгуулж, БНСУ-ын Гадаад харилцаа, худалдааны яамны олон улсын эдийн засгийн хамтын ажиллагааны элчин сайд асан Шин Бон Килийг анхны нарийн бичгийн даргаар томилжээ.
Шин Бон Кил мөн өдөр хэлэхдээ, 3 орны хамтын ажиллагааны нарийн бичгийн газрыг нээсэн нь уг 3 орны засгийн газрын механизм тухайн бүс нутгийн цэцэглэл хөгжил болон энх тайван хөгжлийг хэрэгжүүлэх эхний алхмаа тавьсан. Хэдийгээр 3 орны шийдэгдээгүй хүндрэлтэй асуудлуудыг даруй зохицуулж эс чадах хэдий ч асар их бэлэг тэмдгийн чанартай юм гэжээ.
1999 оноос Хятад, Япон, БНСУ-ын хамтын ажиллагааны механизмыг ажиллуулснаар уг 3 орны улс төр, эдийн засаг, нийгэм, соёл зэрэг салбарын хамтын ажиллагаа хурдтай хөгжиж, засгийн газар хоорондын зөвшилцлийн механизм 50 гаруйг байгуулж, үүнээс 17 нь 3 орны сайдын хэмжээний чуулган байлаа. 3 орны удирдагчдын нийтлэг ойлголтын дагуу 3 орны хамтын ажиллагааны нарийн бичгийн газар 3 орны хамтын ажиллагааны зөвшилцлийн механизмыг хөгжүүлэхэд тусалж, 3 орны хамтын ажиллагааны төсөл боловсруулах ба хэрэгжүүлэхэд тус дөхөм үзүүлэх зорилт тавьжээ. \Алтанхуар орчуулав\
Өдөр дутмын 
