Оросын байгалийн хийн аж үйлдвэрийн компанийн захирал Миллер БНАСАУ-ын байгалийн хийн аж үйлдвэрийн сайд Ким Хуй Ёнтай 15-ны өдөр Москвад уулзаж, Оросоос Солонгосын хойгт хүрэх байгалийн хийн хоолой тавихтай холбогдуулан зөвшилцөл хийсэн байна.
Эх сурвалжид мэдээлснээр, 2 тал зөвшилцсөний дүнд тусгай ажлын хэсэг байгуулж, ОХУ-БНАСАУ-БНСУ гэсэн байгалийн хийн хоолой тавих төсөл хэрэгжүүлэхээр тогтсон бөгөөд 2 орны бусад салбарын хамтын ажиллагааг өргөжүүлэхийг ч зөвшилцжээ.
2 орны засгийн газрын бүх талын дэмжлэг нь байгалийн хийн хоолой тавихад чухал ач холбогдолтой тул 2 засгийн газар байгалийн хийн хоолой тавихадтай холбоотой засгийн газрын хэмжээний хэлэлцээрийг даруй байгуулах шаардлагатай гэж 2 тал үзжээ. Зөвшилцлийн дараа 2 тал ойлголцлын меморандум байгуулжээ.
БНАСАУ-ын дээд удирдагч Ким Чен Ир 8-р сарын эцсээр Орост айлчлах үеэр Оросын ерөнхийлөгч Медведевтэй уулзаж, ОХУ-аас БНАСАУ-ыг дамжин БНСУ-д хүрэх байгалийн хийн хоолой тавих асуудлаар санал бодлоо солилцсон бөгөөд уг асуудлаарх анхны нийтлэг ойлголтод хүрсэн байна. Уг хоолойн урт 1100 км, ихэнх хэсэг нь БНАСАУ-ын нутагт тавигдах бөгөөд жилд 10 тэрбум орчим шоо метр байгалийн хий дамжуулна гэж тооцоолж байна. \Алтанхуар орчуулав\
Өдөр дутмын 
