Монгол улсын боловсролын их сургуулийн Күнзийн танхимын Хятадын соёлын сарын арга хэмжээ 8-ны өдөр уг сургуулийн ёслолын танхимд нээгджээ. Монгол улсын боловсролын их сургуулийн захирал Б.Жадамбаа, Гадаад хэлний дээд сургуулийн захирал Цогзолмаа болон Монгол улсын боловсролын их сургуулийн Күнзийн дээд сургуулийн захирал Юй Жянь нар нээлтийн ёслолд оролцсон байна.
Б.Жадамбаа үг хэлж тэмдэглэхдээ, Монгол улсын боловсролын их сургууль болон Хятадын зүүн хойдын багшийн их сургуулийн хамтран ажиллуулж байгаа Күнзийн танхим нь Хятад хэлний багш, боловсон хүчнийг бэлтгэж, Хятадын соёлыг сурталчлахын төлөө чармайн, Хятад Монгол хоёр ард түмний ойлголцол ба найрамдлыг нэмэгдүүлэхэд идэвхтэй хувь нэмэр оруулж байгаа юм. Күнзийн танхим нь Монголын хүүхэд залуучуудын Хятад хэл сурах ба Хятад Монголын соёлын солилцооны тавцан болохыг хүсэж байна гэжээ.
Цогзолмаа хэлэхдээ, Күнзийн танхимын зохиосон Хятадын соёлын сарын арга хэмжээ нь Монгол улсын сурагчдад Хятадын соёлыг нэн илүү таниулах болно гэжээ. Тэрээр мөн Монгол улсын боловсролын их сургуулийн Хятад хэлний сургалтыг түгээмэлжүүлэх ба Хятадын соёлыг сурталчлах талаарх амжилтыг танилцуулсан бөгөөд Хятадын хэлний мэргэжлийн багш сурагчид уг арга хэмжээг ашиглан, Хятадын соёлыг цаашид ойлгон суралцахыг урамшуулсан байна.
Мөн өдөр Синьхуа хорооны Улаанбаатар дахь салбар хороо болон Монгол улсын боловсролын их сургуулийн Күнзийн дээд сургуулийн хамтран зохиосон "Синьхуагийн зургийн үзэсгэлэн", "Хятадын үзэмжийг сонирхон, Хятад хэлний соёлтой танилцах " зэрэг зургийн үзэсгэлэнг уг сургуульд дэлгэн үзүүлсэн нь Хятадын соёлын сарын арга хэмжээний өвөрмөц онцлог болсон байна.
Нээлтийн ёслол дээр багш сурагчид хамтаар уран сайхны концерт болон Тайжицуань бэлтгэн сонирхуулсан байна. \Сарантуяа орчуулав.\
Өдөр дутмын 
