22-ны орой Ши Ааньд болсон Ши Аний цэцэрлэгийн яармагийн хаалтын ёслол дээр Шаньши мужийн дарга Жао Жэнюн хэлэхдээ, Ши Аний цэцэрлэгийн яармаг нь хүн төрөлхтний цэцэрлэгжилтийн урлагийн амжилт болон дотоод, гадаадын соёл иргэншлийн харилцаа солилцооны өргөн чуулган байж, 52 улс орон, бүс нутаг, дотоодын 58 хот болон аж ахуйн нэгжүүд өөр өөрийн онцлогтой цэцэрлэгийн урлаг болон барилга, шинжлэх ухаан техник болон соёлоор "Ногоон өнгийг орчин үеийн загвартай хослуулах " үзлийг тусгаж, хүн төрөлхтөн аж үйлдвэрийн соёл иргэншлээс экологийн соёл иргэншил руу шилжиж байгаа сайхан ирээдүйг хүмүүст харуулсан байна гэжээ.
Дэлхийн Цэцэрлэгийн урлагийн үйлдвэрлэгчдийн нийгэмлэгийн дарга Доеке Фабер хэлэхдээ, өнгөрсөн 6 сард, дэлхийн олон газраас ирсэн 15 сая гаруй жуулчид Ши Аньд хуран цугларлаа. Тэд ургамал, цэцгийн үзэсгэлэнт өнгө үзэмжийг сонирхох төдийгүй ногоон үйл ажиллагааны дэлхийн цаг уурт үзүүлэх эерэг нөлөөг мэдрэх зорилготой байсан юм. Тус удаагийн дэлхийн цэцэрлэгийн урлагийн яармагийн гол уриа болох "Тэнгэрийн хүн түмэн амгалан" гэх сэдэв нь тус яармагийн зорилгыг маш сайн харуулсан байна гэв.
Ши Аний дэлхийн цэцэрлэгийн яармаг нь энэ оны 4-р сард нээгдэж, 178 өдөр үргэлжилж, давхардсан тоогоор нийт 15 сая 440 мянга гаруй жуулчинг хүлээн авсан нь урьдчилан төлөвлөсөн 12 саяас давж, дэлхийн цэцэрлэгийн урлагийн яармагийн шинэ рекордыг тогтоосон байна. \Алтаннавч орчуулав\
Өдөр дутмын 
