Обамагийн Засгийн газар сүүлийн үед Ази, Номхон далайн бүс нутгийн стратеги боловсруулах талаар ер бусын идэвхтэй ажиллагаа явуулж байна. Синьхуа хороо 17-ны өдөр өгүүлэл нийтэлж тэмдэглэхдээ, Америк Азид "эргэн орох" стратеги хэрэгжүүлэхдээ, эрх тэгш, харилцан хүндэтгэсэн байр сууриар уг бүс нутгийн улс орнуудад хандан, Азийн орнуудын "хамтран ажиллагч" болох ёстой гэжээ.
Бусад хүн үнэт зүйлийн тухай өөрийн үнэлэмжээ хүнд хүчээр тохохыг Азийн орнууд сайшаахгүй, нэн ч Америк Азитай харилцах харилцаагаа "удирдагч болон удирдуулагч"-ийн харилцаа болгон хувиргахыг сайшаахгүй. Азийн орнууд өөр өөрийн үйл ажиллагааны хэлбэр, үнэт зүйлийн тухай өөр өөрийн нийтлэг үнэлэмж, журам горимтой бөгөөд өөрийн оюун ухаандаа түшиглэн өөрийн үйл хэргээ сайтар зохицуулж чадна. Азийн орнуудад шаардагдаж байгаа нь эрх тэгш хандсан, чин үнэнч итгэлцсэн "хамтран ажиллагч" болохоос биш харин "удирдагч" юм уу "арбитрч" залж ирүүлэх явдал биш юм гэлээ.
Олон улсын харилцааг ардчилахыг Азийн орнууд хүсч байгаа бөгөөд эрх тэгш хандан хамтран ажиллаж хамтаар хожихыг хүсэж байна. Иймээс Америк өөрийн байр сууриа цэгцлэн засаж, эрх тэгш, харилцан хүндэтгэсэн байр сууриар уг бүс нутгийн орнуудад хандан, хамтран ажиллаж хамтаар хожих харилцаа тогтоож, эерэг идэвхтэй үүрэг гүйцэтгэхийг Азийн орнуудаас Америкт хүсч байгаа юм гэж уг өгүүлэлд бас тэмдэглэсэн байна. \О.Дарамбазар орчуулав\
Өдөр дутмын 
