Хятадын өвлийн спортын 12-р наадам 3-ны орой Гирин мужийн Чанчүн хотод нээгдлээ.ХКН-ын төв хорооны улс төрийн товчооны гишүүн, Төрийн зөвлөлийн гишүүн Лю Яньдүн нээлтийн ажиллагаанд оролцож, үндэсний спортын ерөнхий хорооны дарга Лю Пэн нээж үг хэлсэн байна.
Лю Пэн хэлсэн үгэндээ, өвлийн спортын наадам нь Хятадын өвлийн спортын түгэн дэлгэрч, хөгжихөд тус дэм болж, мөн өрсөлдөх төвшин болон олон улсын нэр нөлөөг дээшлүүллээ. Тус наадам бол Хятадын өвлийн спортын төвшинг шалгах сорилт, Сочийн өвлийн олимпод бэлтгэх тамирчдын сургууль, мөн иргэдийн бие махбодоо чийрэгжүүлэхэд тустай төдийгүй Хятадын цас мөсний спортын хөгжлийн ирээдүйг харуулсан явдал юм гэжээ.
Хятадын өвлийн спортын хамгийн өндөр төвшний, нэр нөлөө бүхий наадмын хувьд энэ удаа 5 том төрөл, 12 салбар төрөл, 105 тусгай төрлөөр 115 алтан медалийн төлөө өрсөлдөх Бээжин, Чанчүн, Харбин, Чөлөөлөх цэргийн арми, Сянган болон Аомэний засаг захиргааны онцгой район зэрэг 43 багийн 1067 тамирчин энд хүрэлцэн иржээ.\Ч. Гантөмөр орчуулав\
Өдөр дутмын 
