2011 онд Хятадын Хорио цээр чанарын хяналт шалгалтын систем нь гадаад худалдааны хөгжлийг ахиулах цуврал арга хэмжээг боловсруулж, олон улсын зах зээл дэх аж ахуйн нэгжийн өрсөлдөх чадварыг дээшлүүлж, хорио цээрийн хяналт шалгалтын явцыг дөхөмчилжээ.
5-ны өдөр Бээжинд хуралдсан 2012 оны Хятадын хорио цээр чанарын хяналт шалгалтын ажлын хурлаас сурвалжлагч мэдээлэхдээ, 2011 онд Хятад улс ДХБ-ын худалдааг дөхөмчлөх үйл явцад идэвхтэй оролцож, худалдааны арга барилаар үйлчлэх техникийн системийг боловсронгуй болгож, ДХБ-ын гишүүн орнуудаас дэвшүүлсэн 2677 арга хэмжээний мэдүүлгийг олонд нийтэлж, 341 мэдүүлгийн талаар санал бодлоо дэвшүүлсэн байна. Хятадын Хорио цээр чанарын хяналт шалгалтын ерөнхий газар худалдааны 16 чухал түнш оронтой хорио цээр чанарын хяналт шалгалтын хамтын ажиллагааны зөвшилцлийн механизмийн хурлыг хийж, Хятад -АСЕАН-ы TBT хамтын ажиллагааны сайд нарын анхны хурлыг амжилттай зохиолоо. Мөн анх удаа ОХУ-тай амьтан ургамалын өвчин эмгэгийг хянаж шалгах, хүнсний бүтээгдэхүүний аюулгүйн хамтын ажиллагааны механизмийг тогтоож, 31 улс орон болон бүс нутагтай хорио цээр чанарын хяналт шалгалтын 72 гэрээнд гарын үсэг зурсан байна.\Ч. Гантөмөр орчуулав\
Өдөр дутмын 
