ОХУ-ын Сонгуулийн Төв Хорооны 5-ны өдөр нийтэлсэн анхны тооллогын дүнгээс үзвэл, одоогийн ерөнхий сайд Владимир Путин 63.75 хувийн дэмжсэн санал авч ерөнхийлөгчийн сонгуульд ялалт байгуулжээ. Ингэснээр В.Путин ОХУ-ын ерөнхийлөгчийн тушаалд 3 дахь удаагаа ажиллах болно.
ОХУ 4-ний өдөр ерөнхийлөгчийн сонгууль хийсэн байна. ОХУ-ын сонгуулийн хуульд зааснаар, анхны ээлжийн санал оруулалтад 50 хувиас дээш дэмжсэн санал авсан нэр дэвшигч нь ерөнхийлөгчөөр тодордог байна.
Хятад улсын дарга Хү Жиньтао 5-ны өдөр В.Путинд цахилгаан утас илгээж, түүний ОХУ-ын ерөнхийлөгчөөр сонгогдсонд нь баяр хүргэсэн байна. Дарга Хү Жиньтао баярын цахилгаандаа, шинэ байдалд, Оросын талтай хамтран ирэх 10 жилд Хятад Оросын харилцааны хөгжлийн төлөвлөгөө болон олон салбар дахь хамтын ажиллагааны нэгдсэн ойлголт, хэлэлцээрийг цаашид хэрэгжүүлэн, Хятад Оросын эрх тэгш харилцан итгэх, харилцан дэмжих, хамтаар хөгжин цэцэглэх, үеийн үед найрсаг байх бүх талын стратегийн хамтын ажиллагааны харилцааг улам өндөр түвшинд дэвшүүлэн хөгжүүлэхийн тулд хүчин чармайлт гаргахад Хятадын тал бэлэн байна гэж тэмдэглэжээ. \О.Дарамбазар орчуулав\
Өдөр дутмын 
